Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qoǵam aldynda memlekettik organdar ǵana emes, bárimiz jaýaptymyz – Baný Nurǵazıeva

2022 jyldyń 18 qańtar 2022 14:39

NUR-SULTAN. QazAqparat – Búgin Qazaqstan azamattyq alıansynda Memleket basshysynyń jýyrda halyq jasaǵan úndeýi men Úkimetke júktegen tapsyrmalary talqylandy, dep habarlaıdy QazAqparat tilshisi.

«Men halyqtyń Memleket basshysy men onyń el taǵdyryna qatysty senimdi sheshimderin tolyq qoldaıtynyna senimdimin. Sondyqtan Prezıdentti qoldap, qoǵam problemasyn ashyp aıtý kerek. Qoǵam aldynda memlekettik organdar ǵana emes, barlyǵymyz jaýaptymyz. Eldegi jaıtty bárimiz kórip otyrmyz. Qazaqstanda qanshama saıasattanýshy, áleýmettanýshy bar, qoǵamdaǵy protsesterge únemi boljam men taldaý jasalady. Sonyń bári qazir qaıda? Endigi ýaqytta bastysy birlesip, yntymaqtastyqta jumys isteý. Basty úsh sektor ózara ymyralasý kerek. Ol memleket ıaǵnı bılik, azamattyq qoǵam jáne bıznes», - dedi Qazaqstan azamattyq alıansynyń prezıdenti Baný Nurǵazıeva.

Sondaı-aq, alıans basshysy taıaýda qurylǵan «Qazaqstan halqyna» qorynyń qyzmetine qatysty pikir bildirdi.

«Qor qurylmaı jatyp, onyń qyzmetine qatysty túrli pikir aıtylyp jatyr. Qordyń basshysy kim saılady, qalaı saılandy? Qordyń keńesiniń músheleri qalaı taǵaıyndaldy degen sekildi. Bastysy qorǵa túsken qarjy halyq qamy úshin jumsalýy tıis. Jáne jınalǵan qarjynyń 1 teńgesi bireýdiń qaltasyna ketpeýi mańyzdy. Búgin bizdiń jınalyp otyrǵan sebep te sol. Memleket basshysy naqtylap bergen mindetterdi júzege asyrý joldaryn qarastyrý. Halyq únin bılikke jetkizý taǵy sol sııaqty», - deıdi ol.

Atalǵan sharaǵa quzyrly memlekettik jáne úkimettik emes uıym ókilderi, sondaı-aq, sarapshylar men qoǵam belsendileri qatysty.


Joǵary qaraı