Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kishi Taldykól týraly sot isi 9 aqpanda qaralady

2022 jyldyń 27 qańtar 2022 12:54

NUR-SULTAN. QazAqparat – Nur-Sultan qalasynyń Arnaıy mamandandyrylǵan aýdanaralyq ákimshilik soty Kishi Taldykól týraly sot isin qaıta qozǵady, dep habarlaıdy QazAqparat.

Sotqa «Aqiqat» korporatıvtik zańgerler koalıtsııasy talap-aryz jazǵan. Jaýapkerler retinde Nur-Sultan qalasy ákiminiń apparaty men «Astana - Tehnopolıs» arnaıy ekonomıkalyq aımaǵynyń basqarýshy kompanııasy shaqyrylǵan.

«QR Azamattyq is júrgizý kodeksiniń 225-baby 3-bóligi negizinde sot osy is boıynsha qosymsha mán-jaılardy anyqtaý maqsatynda sheshim shyǵarý úshin zaldan shyqqan soń, osy is júrgizýdi qaıta qozǵaý qajet dep esepteıtini týraly sheshim qabyldady. Tolyq qaralǵannan keıin sot jaryssózderi jáne ákimshilik istiń materıaldaryn qaraý qaıta júrgiziletin bolady», – dedi sýdıa Janar Dúısenova.

Sýdıa Nur-Sultan ákimdiginiń ókili sotqa usynýy qajet qujattardy atap ótti. Onyń ishinde qalanyń egjeı-tegjeıli josparlaý jobasyna, Bas josparyna sáıkes 2012 jyldan 2020 jylǵa deıin Kishi Taldykól kólderi toby kiretin jerlerdi nysanaly taǵaıyndaý týraly, 2020 jylǵy jeltoqsanda shyǵarylǵan eldi meken jerlerine aýystyrý týraly qaýlyǵa qatysty málimetterdi ákelýi tıis.

Al «Astana-Tehnopolıs» AEA Basqarýshy kompanııasy SAT-NS JShS-men jasalǵan barlyq 16 qosalqy jaldaý sharttaryn, jer ýchaskelerin segmentteý týraly, osy ýchaskelerdi ıgerý kezeńderi týraly málimetterdi berýi kerek.

«Sot isi 9 aqpanda, saǵat 10:30-da tyńdalady», - dedi sýdıa J. Dúısenova.

Eske sala keteıik, «Aqiqat» korporatıvtik zańgerler koalıtsııasy elorda ákimdiginiń Kishi Taldykól mańynda sý qorǵaý aımaǵy men beldeýin ornatý boıynsha shara qabyldamaýyna baılanysty sotqa júgingen bolatyn. Sonyń saldarynan SAT-NS JShS jáne onymen baılanysty qurylys kompanııalary Kishi Taldykól kólderi toby ornalasqan aýmaqta qurylys júrgizý týraly «Astana-Tehnopolıs» AEA-men shart jasasý múmkindigine ıe bolǵan.


Avtor Aıjan Serikjanqyzy
Basty sózder: Nur-Sultan, Sot,
Joǵary qaraı