Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kishi Taldykól sýyn tereńdetý jumysy ony saqtaýǵa múmkindik beredi

2021 jyldyń 16 qyrkúıek 2021 07:45

NUR-SULTAN. QazAqparat - Kishi Taldykól sýynyń túbin tereńdetý jumysy júrgizilmese, kól birer jyldyń ishinde qurǵap qalýy múmkin. Sebebi munda qurǵaý protsesi júrip jatyr. Qala ákiminiń orynbasary Nurlan Soltambekov jetekshilik etken ekologııalyq keńeste Kishi Taldykóldegi rekreatsııalyq aýmaqty saqtaý jáne qurý máselesi qaraldy, dep habarlaıdy QazAqparat.

Nurlan Soltambekov Kishi Taldykóldi saqtap jáne sýyn toltyra otyryp, rekreatsııalyq aımaq qurý boıynsha jobalaý-smetalyq qujattama ázirleýdi tapsyrdy.

Onda sý aýmaǵy keminde 20 gektar bolmaq.

Osylaısha, sý túbin tereńdetý jumystary laı jáne basqa da zııandy shógindilerden tazartýǵa, ortasha tereńdikti arttyrýǵa, sý balansyn saqtaýǵa múmkindik beredi.

Aıta ketý kerek, qazir sýly-batpaqty nysandaǵy negizgi ıondardyń, aýyr metaldardyń, bıogendik zattardyń quramy normadan birneshe ese asady.

Tıisinshe, Kishi Taldykóldi zııandy zattardan tazartý birinshi kezekte jergilikti turǵyndardyń densaýlyǵyna oń áser etedi.

Tereńdigi 20 sm-den kem ári qaýipti, batpaqty – Kishi Taldykól mańy qalpyna keltirilip, abattandyrylady.

Onda áleýmettik nysandar, ıaǵnı turǵyn úıler, mektepter, medıtsına ortalyqtary salynady.

Kishi Taldykóldi qalpyna keltirý jumystary akvatorııa qura otyryp, jaǵalaý salýǵa múmkindik beredi: bolashaqta eki jaǵalaýdy jalǵaıtyn kópir salý, qala turǵyndary úshin sý kóligin iske qosý, sondaı-aq flora men faýnasy bar ekoklımatty saqtaý josparlanyp otyr.

Kishi Taldykól sýly-batpaqty nysany aǵyn sýlar jınalǵan oryn bolǵanyn, úlken Taldykól sýymen tabıǵı baılanysy joq ári jerústi aǵyny men jerasty sýlary arqyly ózara baılanyspaıtynyn atap ótken jón.

Taldykóldiń (úlken Taldykól) óziniń ekologııalyq ınfraqurylymy bolady. Taldykól kóliniń janynda qoryq, orman-saıabaq aımaǵy bar elimizdegi alǵashqy tabıǵı park ashylady.

Al ekinshi ekopark – Maıbalyq kóliniń mańy (áýejaı baǵyty boıynsha ońtústik-shyǵys jaǵy) tartymdy oryndardyń biri bolmaq.


Basty sózder: Ekologııa, Nur-Sultan,
Joǵary qaraı