Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kıprde 10 mamyrdan bastap karantın alynady

2021 jyldyń 10 mamyr 2021 10:14

NIKOSIıA. TASS-QazAqparat – Kıpr Respýblıkasy bıligi 10 mamyrdan bastap qatal karantındik rejımdi alyp tastaıdy, dep habarlaıdy QazAqparat TASS agenttigine silteme jasap.

Degenmen turǵyndarǵa kez kelgen qoǵamdyq oryndarǵa kirý úshin Coronapass propýski kerek. Ol adamnyń koronavırýs tasymaldamaýshysy emes ekenin dáleldeıdi. Mundaı sheshimdi sársenbi kúni keshke araldyq memlekettiń mınıstrler kabıneti qabyldady.

Bul propýsk 10 mamyrdan bastap ónerkásip taýarlary dúkenderi, teatr men kınoteatrlar, sonymen qatar jattyǵý zaldaryna kirý úshin kerek.

Coronapass qosymsha bilim berý ortalyqtaryna, shirkeýge, úılený toılaryna, jerleý jáne shoqyný rásimderine qatysý úshin de qajet. 16 mamyrǵa deıin mundaı saltanatty jıyndarǵa 10-nan kóp adam qatysa almaıdy. 17 mamyrdan bastap shekteý 200 adamǵa deıin keńeıtiledi, degenmen sharalar ashyq aýada ótýi qajet.

Mýnıtsıpaldyq bazarlar, shashtaraz jáne sulýlyq salondaryna barý úshin, ashyq aýada saıabaqtarda, alańdarda, jaǵajaıda, bógen jaǵalarynda jáne kókke shyǵýǵa arnalǵan jerlerde 10-nan az adam jınalsa, Coronapass kerek emes. Sonymen qatar aralda buqaralyq jınalys, narazylyq aktsııalary, kez kelgen sherýler, kontsert, jármeńkeler men qoǵamdyq jáne jeke oryndardaǵy festıvalderge tyıym salynady.

10 mamyrdan bastap komendanttyq saǵattyń ýaqyty eki saǵatqa qysqarady: 23:00-de bastalyp, 05:00-de aıaqtalatyn bolady. Alaıda onyń ýaqytynda arnaıy nómirge úıden shyǵý maqsaty jazylǵan SMS-habarlamasyn jiberý arqyly jumys ornyna baryp-kelip, shuǵyl qajet kezde medıtsınalyq ortalyqtar, aýrýhanalar, dárihanalar men mal dárigerine barýǵa bolady.

Eske sala keteıik, ótken jyly aralǵa saıahattaý úshin az ýaqyttyń ishinde qosymsha testilerden ótý, qosymsha shyǵyndar men kólemdi jol júrý saýalnamasyn toltyrýdy qarastyrǵan.

Basty sózder: Koronavırýs, Álem,
Joǵary qaraı