Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kınoǵa bólgen qarajatty ıgerýshiler qalaı irikteledi

2021 jyldyń 16 sáýir 2021 11:09

NUR-SULTAN. QazAqparat – Mádenıet jáne sport vıtse-mınıstri Nurǵısa Dáýeshov redaktsııa saýalyna joldaǵan jaýabynda kınoǵa bólingen qarajat qalaı ıgeriletinin túsindirdi, dep habarlaıdy QazAqparat tilshisi.

Jyl saıyn kınoǵa dep bólinetin qarajatty qandaı kompanııalar men uıymdar ıgerip jatyr? Kınoǵa bólingen qarajatty ıgerýshiler qalaı irikteledi? Redaktsııa saýalynda osy suraqtar qoıylǵan bolatyn. Mınıstr orynbasarynyń aıtýynsha, 2019 jyly qabyldanǵan zań burynǵy júıeni birshama ózgertken.

«2019 jyldyń 3 qańtarynda «Kınematografııa týraly» QR Zańynynyń talaptaryna sáıkes, básekege qabiletti kınoónim shyǵarý jáne memlekettik qarjylandyrýdyń ashyqtyǵyn qamtamasyz etý maqsatynda, kınojobalardy irikteý birneshe kezeńderden turatyn ashyq konkýrstar ótkizý arqyly júzege asyrylady.

Bul rette, kınojobalardy qarjylandyrý týraly sheshimdi ýákiletti organ Saraptama keńesiniń oń qorytyndysy jáne Ulttyq fılmderdi memlekettik qarjylyq qoldaý máseleleri jónindegi vedomstvoaralyq komıssııanyń usynymy negizinde qabyldaıdy», - deıdi vedomstvo ókili.

Vıtse-mınıstrdiń sózinshe, qarjy negizinen bir kózden satyp alý qaǵıdaty arqyly bólinedi. Biraq ol úshin Ulttyq kınony qoldaý memlekettik ortalyǵy ashyq konkýrs jarııalaý arqyly joǵaryda atalǵan keńes pen vedomstvoaralyq komıssııanyń qaraýyna kınojobalardy jınaqtap engizýi kerek.

«Kınojobalardy qarjylandyrý 2019 jyldyń 3 qańtarynda qabyldanǵan «Kınematografııa týraly» Qazaqstan Respýblıkasy Zańynynyń aıasynda jáne memlekettik satyp alý portaly arqyly «Memlekettik satyp alý týraly» Zańynyń satyp alynatyn taýarlarǵa, kórsetiletin qyzmetterge qatysty aıryqsha quqyqtarǵa ıe tulǵadan zııatkerlik menshik obektileri bolyp tabylatyn taýarlardy, kórsetiletin qyzmetterdi satyp alý týraly 39-baby 3-tarmaǵy 3) tarmaqshasyna sáıkes, bir kózden alý arqyly ıgeriledi», - delingen jaýapta.


Joǵary qaraı