Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kıevte qazaqtar quryltaıy ótip jatyr

2021 jyldyń 26 mamyr 2021 15:53

NUR-SULTAN. QazAqparat – Ýkraına astanasy Kıev qalasynda sol elde turatyn qandastardyń quryltaıy ótip jatyr, dep habarlaıdy QazAqparat Otandastar qorynyń baspasóz qyzmetine silteme jasap.

El Táýelsizdiginiń 30 jyldyǵyn merekeleý aıasynda Qazaqstannyń Ýkraınadaǵy Elshiligi men qazaq dıasporasy birlesip uıymdastyrǵan Ýkraınada turatyn qazaqtardyń quryltaıy alǵash ret ótip otyr.

Atalǵan sharada QR Ýkraınadaǵy Elshisi Darhan Qaletaev quttyqtaý sóz sóılep, atajurttyń ystyq sálemin jetkizdi.

Sondaı-aq, quryltaı otyrysyna Ýkraınanyń etnosaıası jáne ar-ojdan bostandyǵy jónindegi memlekettik qyzmet tóraǵasy Elena Bogdan, Gýmılev atyndaǵy Eýrazııa ulttyq ýnıversıteti rektory Erlan Sydyqov jáne Ýkraına Joǵarǵy Radasynyń halyq depýtaty, Qazaqstanmen yntymaqtastyq jónindegi parlamentaralyq toptyń múshesi, Sergeı Nagornıak qatysty.

Qandastardyń basqosý jıynynyń ekinshi bóliginde Kıev qalasyndaǵy «Dostyq» Qazaq mádenı qoǵamynyń basshysy Danııar Egamberdıev, Harkov qalasyndaǵy «Birlik» qazaqstandyq ulttyq QB basshysy Makka Qarajanova jáne qazaq dıasporasynyń ókili Rústem Janǵoja shettegi qandastar atynan sóz sóılep, atajurtpen aradaǵy rýhanı, mádenı, ekonomıkalyq baılanystyń artýyna kúsh salatynyn atap ótti.




Tatý bereke-birlik nátıjesinde halqymyz talaı belesterdi baǵyndyratynyna toqtaldy.

Etnıkalyq óner qaıratkerleri qaýymdastyǵy basqarmasynyń prezıdenti, Ýkraınanyń Ulttyq qoǵamdastyqtary Rada tóraǵasynyń orynbasary, Ýkraınanyń eńbek sińirgen ártisi Inesh Kdyrova óz sózinde ýkraın jáne qazaq halqynyń berik dostyq qarym-qatynasyna rızashylyǵyn jetkizdi.

Sonymen qatar, quryltaı sońynda jańa qaýymdastyq basshysy saılanyp, osyǵan deıin atqarylǵan baǵdarlama men jobalarǵa qatysty usynys-pikirler qorytyndylanady.

Odan bólek, qoǵamdyq jumysqa belsene aralasqan qandastarymyz QR Ýkraınadaǵy Elshisi men «Otandastar qory» KEAQ alǵys hatymen marapattalady.











Avtor Álı Ibraev
Basty sózder: Qandastar, Ýkraına,
Joǵary qaraı