Aýa raıy
Astana -23 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

QHL: «Barystyń» búgingi oıynyn qaıdan kórýge bolady

2020 jyldyń 30 qazan 2020 16:21

NUR-SULTAN. QazAqparat - «Barys» qurlyqtyq hokkeı lıgasynda búgin elordada Qytaıdyń «Kýnlýn Red Star» komandasyn qabyldaıdy, dep habarlaıdy QazAqparat tilshisi.

Oıyn elorda ýaqytymen saǵat 19.30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 12 márte kezdesti. Onyń 8-i «Barystyń» basymdyǵymen aıaqtalsa, qalǵanynda qytaılyq klýb jeńiske jetti.

Eki komanda da bıyl sátsiz oıyn kórsetip júr. «Barystyń» 16 oıynnan keıin 16 upaıy bar. Týrnır kestesinde 19-orynda tur. Al 19 oıynnan keıin nebári 11 upaıdy mise tutqan «Kýnlýn Red Star» 22-orynǵa jaıǵasqan.

Elordalyq klýb sońǵy tórt kezdesýinde jeńiliske ushyrasa, qytaılyq komanda keıingi bes kezdesýdiń tórteýinde qarsylastarynan basym tústi.

Sońǵy týrda «Barys» Reseıde «Sochı» hokkeı klýbyna 0:3 esebimen ese jiberse, «Kýnlýn Red Star» sol eldiń Sankt-Peterbýrg qalasynda SKA komandasyn 2:1 esebimen utty.


Avtor Ádiljan Úmbet
Basty sózder: Sport,
Joǵary qaraı