Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

QHL: «Barys» «Sochı» komandasynan jeńilip qaldy

2020 jyldyń 29 qazan 2020 01:00

NUR-SULTAN. QazAqparat - Búgin Qurlyqtyq hokkeı lıgasy aıasynda elordalyq «Barys» Reseıde Sochı qalasynyń «Sochı» komandasymen kezdesti, dep habarlaıdy QazAqparat tilshisi.

Eki komanda buǵan deıin 12 márte kezdesti. Onyń 8-i «Barystyń» basymdyǵymen aıaqtalsa, qalǵanynda «Sochı» jeńiske jetti.

Búgingi kezdesý tartysty deńgeıde ótti. Birinshi kezeńde eki komandanyń da esep ashatyn birneshe múmkindigi boldy.

Ekinshi kezeńniń alǵashqy mınýtynda reseılik klýb «Barys» hokkeıshileriniń qateligin tıimdi paıdalanyp ketti. Oıynnyń 21-mınýtynda Malte Stremvall mergendigimen kózge tústi. Al 38-mınýtta Danııl Mıromanov esepti ústemeleı tústi. Ol oıynnyń 58-mınýtynda taǵy bir márte «Barys» qaqpasyn dál kózdep, qorytyndy esepti belgiledi. Osylaısha elordalyq klýb qarsylasyna 0:3 esebimen jeńilip qaldy.

Endi «Barys» elordada eki oıyn ótkizedi. Aldymen 30 qazanda Qytaıdyń «Kýnlýn Red Star» komandasyn qabyldasa, odan keıin Latvııanyń «Dınamo» (Rıga) klýbymen sheberlik baıqasady.

Eske salsaq, 26 qazan kúni elordalyq «Barys» Reseıde Novosibir qalasynyń «Sıbır» komandasynan jeńilip qalǵan bolatyn.




Avtor Ádiljan Úmbet
Basty sózder: Sport, Nur-Sultan,
Joǵary qaraı