Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

QHL: «Barys» reseılik TsSKA klýbyna ese jiberdi

2020 jyldyń 14 qyrkúıek 2020 22:01

NUR-SULTAN. QazAqparat - «Barys» búgin qurlyqtyq hokkeı lıgasyndaǵy kezekti oıynyn elordada Reseıdiń TsSKA (Máskeý) komandasyna qarsy ótkizdi, dep habarlaıdy QazAqparat tilshisi.

Oıyn tartysty ótti. Eki komanda da shabýylǵa kóp kóńil bóldi. Degenmen birinshi kezeńde esep ashylǵan joq.

Ekinshi kezeńde aıdyn ıeleri oıyn tizginin óz qolyna alýǵa tyrysty. Qarsylastar qaqpasy mańynda jıi boı kórsetti. Nátıjesinde 32-mınýtta Nıkıta Mıhaılıs TsSKA qaqpasynan sańylaý tapty.

Úshinshi kezeńde qos komanda tarapynan da gol soǵatyn birneshe múmkindik bolǵan edi. Alaıda elordalyq klýb ony tıimdi paıdalana alǵan joq. Máskeýlik klýb sapynan Aleksandr Popov 57-mınýtta tarazy basyn teńestirip ketti. Oıyn overtmaımǵa ulasty. Overtaımda da jeńimpaz anyqtalǵan joq. Býllıtte TsSKA komandasynyń joly boldy.

«Barys» bıylǵy maýsymda buǵan deıin bes oıyn ótkizdi. Onyń ekeýinde jeńip, qalǵanynda qarsylasyna ese jiberdi.

Eki komanda búginge deıin 23 márte sheberlik baıqasty. Onyń 7-i «Barystyń» basym túse, qalǵanynda reseılik klýb jeńgen. Endi «Barys» elordada 18 qyrkúıekte Latvııanyń «Dınamo» (Rıga) klýbtarymen oınaıdy. Odan keıin Reseıde Cherepovets qalasynyń «Severstal» komandasymen kezdesedi.


Foto: hcbarys.kz
Avtor Ádiljan Úmbet
Basty sózder: Sport,
Joǵary qaraı