Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QHA-nyń qoǵamdyq kelisimniń qazaqstandyq úlgisin nasıhattaý jónindegi respýblıkalyq lektorııi ótti

2021 jyldyń 13 qazan 2021 21:24

NUR-SULTAN. QazAqparat - 2021 jylǵy 13 qazanda Qazaqstan halqy Assambleıasy Qazaqstan Respýblıkasy Aqparat jáne qoǵamdyq damý mınıstrliginiń qoldaýymen Jambyl oblysynda Qoǵamdyq kelisim men jalpyulttyq birliktiń qazaqstandyq úlgisin nasıhattaý jónindegi respýblıkalyq lektorıı ótkizdi.

Qyrkúıek aıynda Mańǵystaýdan bastaý alǵan lektorıı búgin Jambyl oblysynyń Qordaı, Masanshy, Sortóbe, Qarakemer aýyldarynda jalǵasyn tapty.

Lektorıı aıasynda Qazaqstan halqy Assambleıasy Tóraǵasynyń orynbasary – Hatshylyq meńgerýshisi M.Ázilhanov atalmysh aýyldardyń qazirgi jaı-kúıin bilý úshin jergilikti halyqpen birqatar kezdesýler ótkizdi.

Іs-sharaǵa Jambyl oblysy ákiminiń orynbasary D.Káribek, Qazaqstan Respýblıkasy Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵ. Shoıkın qatysty.

Assambleıa Tóraǵasynyń orynbasary Marat Ázilhanov Jambyl oblysyna issapary Qarakemer aýylynan bastady. Aýyldyń sport keshenin aralap, qyzmetimen tanysyp, aýyl aqsaqaldarymen kezdesip, etnosaralyq qatynastarǵa qatysty birqatar suraqtarǵa jaýap berdi.

QHA ókilderiniń issapary aıasynda josparlanǵan taǵy bir mańyzdy kezdesý Qordaı aýylyndaǵy Mádenıet úıinde jalǵasty. Pikir almasý formatynda ótken bul kezdesýdiń basty taqyryby Aqsaqaldar keńesiniń qyzmeti jáne aýyldaǵy halyqtyń nazarynda júrgen ózekti máseleler.

Kezdesýde memlekettik tildiń mártebesin arttyrý, ózge etnostarǵa qazaq tilin úırenýge kómektesý, Assambleıa jastarynyń jumysyn jandandyrý, olarǵa qoldaý bildirý, Aqsaqaldar keńesiniń qyzmetimen tanysý jáne osy sekildi basqa da jumystardyń barysyna basa nazar aýdardy.

Lektorııdiń basty maqsaty – barlyq qazaqstandyqtardyń ortaq mádenı kody, biryńǵaı qundylyqtary men jalpyulttyq tarıhı sana negizinde halyq birligin nyǵaıtý bolyp tabylady.

Mádenıet úıindegi murajaıdy aralap, onyń jumysymen tanysqan Marat Ázilhanov Sortóbe aýylyndaǵy Imamdar úıine de baryp qaıtty.

Atalǵan kezdesý barysynda QHA Tóraǵasynyń orynbasary Marat Ázilhanov aýyl ımamdarynyń jumystarymen tanysty. Assambleıanyń atqaratyn qyzmetin, sondaı-aq qoǵamdyq kelisim men jalpyulttyq birliktiń qazaqstandyq úlgisin odan ári nyǵaıtý jónindegi sharalar talqylandy.

Іssapar aıasynda oblystyq QHA Analar keńesiniń keńeıtilgen otyrysy ótti. Іs-sharaǵa QHA Analar keńesiniń tóraıymy Nazıpa Shanaı jáne Keńestiń t.b. ókilderi qatysty.

Analar keńesiniń otyrysynda Assambleıa qyzmetiniń basty baǵyttary boıynsha Keńeske qatysty birqatar máseleler talqyǵa salynyp, qatysýshylar óz oılaryn ortaǵa saldy.

Joǵary qaraı