Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QHA músheleri qazaqstandyqtardy Tuńǵysh Prezıdent kúnimen quttyqtap jatyr

2021 jyldyń 1 jeltoqsan 2021 14:15

NUR-SULTAN. QazAqparat – Qazaqstan halqy assambleıasynyń músheleri qazaqstandyqtardy 1 jeltoqsan – Tuńǵysh Prezıdent kúnimen quttyqtap jatyr, dep habarlaıdy QazAqparat tilshisi.

«Tuńǵysh Prezıdent kúni – bul Qazaqstandaǵy tarıhı tańdaý kúni jáne halyq birligi men kelisim kúni. Elimizdiń Tuńǵysh Prezıdenti egemen Qazaqstannyń barlyq jetistikteri atymen baılanysty adam retinde, álemdik aýqymdaǵy kórnekti saıasatker retinde tarıhqa máńgilikkeendig Onyń barlyq qyzmeti óz halqyna, Otanyna qyzmet etýdiń jarqyn úlgisi sanalady. Otanymyz – Qazaqstan Respýblıkasy damyp, nyǵaıyp, gúldene bersin!», - dep jazdy Qazaqstan uıǵyrlary respýblıkalyq etnomádenı ortalyǵynyń tóraǵasy Sh.Nýrýmov Facebook paraqshasynda.

Jambyl aýdandyq «Ahyska» túrik etnomádenı ortalyǵynyń tóraǵasy Ramazan Mýzafarov óz quttyqtaýyn Instagram paraqshasynda jarııa etti.

«1 jeltoqsan - Qazaqstan Tuńǵysh Prezıdenti kúnimen barshańyzdy shyn júrekten quttyqtaımyn. Zor densaýlyq, baqyt tileımin. Qazaqstan halqy beıbitshilikte ómir súrip, qýanyshty kúnder kóp bolsyn. Dostyǵymyz árdaıym berik bolsyn. Merekemiz qutty bolsyn, aǵaıyndar!», - dedi ol.

Al Qazaqstan halqy Assambleıasynyń keńesiniń múshesi, Túrkistan oblystyq «PARVIZ» tájik etnomádenı birlestiginiń tóraǵasy ıÝldash Sýltanov qazaq halqy úshin elimizdiń Tuńǵysh Prezıdenti Nursultan Ábishuly Nazarbaevtyń orny bólek ekendigin atap ótedi.

«1 jeltoqsan - Qazaqstan Respýblıkasynyń tuńǵysh prezıdent kúni. Qazaq halqy úshin elimizdiń tuńǵysh prezıdenti Nursultan Ábishuly Nazarbaevtyń orny bólek. Bul merekeniń 1 jeltoqsan bolyp tańdalý sebebi de erekshe, ótken kúnderdi eske alatyn bolsaq, 1991 jyldyń 1 jeltoqsan kúni búkilhalyqtyq saılaý nátıjesinde qazaq eliniń tunǵysh prezıdenti saılanyp, ult tarıhynda jańa ózgerister bastaý aldy. Aıtýly kúnniń barsha halqymyz úshin mańyzy men mazmuny erekshe ekendigi sózsiz. Bul - ǵasyrlar toǵysynda ata - babalar ańsaǵan ańsarly álem Azattyqtyń alaýyn jaǵyp, Táýelsizdiktiń tusaýyn kesken, qazaq jurtyn álemge beıbit súıgish el, tolerantty ult retinde tanytqan Elbasynyń taqqa otyrǵan, Alash balasynyń basyna baq ornaǵan kún bolyp tarıhta qalatyny shyndyq. Elbasy esimi Egemendik, Táýelsizdik, Qazaqstan, Otan, Birlik sııaqty uǵymdarmen qatar aıtylady. Elbasy – tatýlyǵymyzdyń, bereke - birligimizdiń, turaqtylyǵymyzdyń kepili. Tuńǵysh Prezıdentimizdiń eńbek joly - jas qazaqstandyqtar úshin úlgi men taǵylymnyń mektebi. Elbasymyz Nursultan Nazarbaev syndarly shaqta birlik pen eldikti, tatýlyq pen dostyqty tý etip, táýelsizdikti baıandy, egemendikti eńseli ete bildi. Egemen el bolýdyń kúrdeli qurylysyn basqaryp, jańa da jas memlekettiń irgesin qalyptastyrǵan Elbasy álemdik saıasat aýqymyna «Qazaqstandyq damý modeli» uǵymyn engizdi.Prezıdentimiz Nursultan Ábishulynyń tolassyz eńbegi men kóregen de sarabdal saıasatynyń arqasynda ǵasyrda jasalar ǵalamattar eki onjyldyqta júzege asty. Halyq aldynda, memleket aldynda osyndaı tolaǵaı tirlik atqarǵan Prezıdent kúnin atap ótý Siz ben bizder úshin úlken qýanysh, zor mártebe. El bolashaǵy úshin jasalyp jatqan ıgi ister tabysty bolyp, elimiz, elin súıgen, el qamqory azamattarymyz aman bolsyn! Barshalaryńyzǵa tabys, sáttilik, sáýleli ǵumyr tileımin», - dedi ıÝldash Sýltanov.

DOVIRA Ýkraına etnomádenı qoǵamdyq birlestigi ujymy da quttyqtaýlaryn Instagram paraqshasynda jarııalady.

«Búgin jas, qýatty ári myqty memleket - Qazaqstan Respýblıkasy memlekettiliginiń damýy men qalyptasýynyń jańa kezeńin ashatyn, Táýelsiz Qazaqstan tarıhynda ataýly kún» Sizderge jáne jaqyndaryńyzǵa baılyq, kelisim men birlik tileımiz. Otanymyz – Qazaqstan Respýblıkasynyń ıgiligi jolyndaǵy barlyq isterińiz ben bastamalaryńyzǵa tabys tileımiz», - dep atap ótedi birlestik ujymy.

QR Kúrdteriniń «Barbang» qaýymdastyǵynyń tóraǵasy, QHA múshesi Azız Alıevte qazaqstandyqtardy merekemen Facebook arqyly quttyqtady.

«Qazaqstan kúrdteriniń «Barbang» respýblıkalyq qaýymdastyǵy Sizderdi memlekettik mereke – Qazaqstan Respýblıkasynyń Tuńǵysh Prezıdenti kúnimen shyn júrekten quttyqtaıdy. Tuńǵysh Prezıdent kúni – Qazaqstandaǵy tarıhı tańdaý jáne ulttyq birlik pen kelisim kúni. Búgingi mereke elimizdiń tarıhı tańdaý jasap, taǵdyrly sheshim qabyldaǵan – Qazaqstan Respýblıkasynyń Prezıdentin alǵash ret saılaǵan kúni. Ár ulttyń ózindik tarıhyn qalyptastyrǵan uly tulǵalar bolady. Qazaqstan memlekettiliginiń negizin qalaýshy Nursultan Nazarbaev – barlyq qazaqstandyqtar jáne halyqaralyq qoǵamdastyq moıyndaǵan tarıhı tulǵa. Memleketimiz óziniń jetistikterimen, qoǵamdyq-saıası ómirdegi tereń ózgeristerimen álemdik qaýymdastyqtyń moıyndaýyna ıe bolyp, odan laıyqty oryn aldy. Sizge jáne sizdiń jaqyndaryńyzǵa otbasyńyzǵa amandyq, zor densaýlyq jáne baqyt tileımiz! Bizdiń Otanymyz Qazaqstan Respýblıkasy damyp, nyǵaıyp, gúldene bersin! Barlyq bastamalarymyz jemisti, bolashaǵymyz jarqyn bolsyn!», - dedi ol.


Joǵary qaraı