Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QHA qazaqstandyqtarǵa «Beıbitshilik jáne kelisim jolymen» telejobasyn usyndy

2021 jyldyń 3 jeltoqsan 2021 19:27

NUR-SULTAN. QazAqparat – Elordada «Beıbitshilik jáne kelisim jolymen» atty 5 serııaly telejobanyń tusaýy kesildi, dep habarlaıdy QazAqparat tilshisi.

«Telejobany túsirý barysynda elimizdiń barlyq óńirin araladyq. Men úshin basty nazarda kópbalaly otbasylar boldy. Jobada kórsetilgen keıipkerlerge Úkimettiń nazaryn aýdarý da úlken maǵynaǵa ıe. Mysaly, Semeıde kópultty otbasy bar. Atalǵan otbasy ártúrli ult ókili balalaryn asyrap alǵan. Sondyqtan ol otbasyny kópshilikke úlgi retinde kórsetkim keldi. Jáne ol otbasyǵa jan-jaqty qoldaý kórsetý kerek. Árıne, jergilikti bılik kómektesip otyr, degenmen ol az dep oılaımyn. Biz osyndaı otbasylardy únemi nasıhattaýymyz kerek, - dedi Qazaqstan halqy Assambleıasy tóraǵasynyń orynbasary Maııa Bekbaeva telejobanyń tanystyrylymy barysynda.

«Beıbitshilik jáne kelisim jolymen» telejobasy 5 serııadan turady. ıAǵnı Ortalyq Qazaqstan, Soltústik, Ońtústik, Shyǵys jáne Batys Qazaqstan bólimderi.

«Atqarylǵan istiń taǵy maqsaty - Qazaqstan halqy Assambleıasynyń jumysyn kórsetý. Sebebi halyq arasynda «QHA nemen aınalysyp jatyr, tek ulttyq kıim kıip bılegendi biledi» degen pikir bar. Biz aqparat bergen kezde Qazaqstan halqy Assambleıasy osyndaı shara ótkizdi deımiz. Osy oraıda istelgen jumys týraly aqparat taratý azdyq etedi dep oılaımyn. ıAǵnı istelgen jumysty halyqqa kórsetý kerek. Shyn máninde QHA-da aýqymdy jumys atqarylyp jatyr. Mysaly, SQO-daǵy analar úıi jumysyn úlgi etýge bolady. Ondaǵy ardagerler keńesi de tıimdi jumys isteıdi», - deıdi ol.

Tusaýkeserge jınalǵan qaýymǵa telejobanyń birinshi serııasy (Qaraǵandy oblysy) kórsetildi. Al qalyń kórermen atalǵan teletýyndyny «Habar» telearnasynan 6 jeltoqsannan bastap kóre alady.

Aıta keteıik, atalǵan shara aıasynda Qazaqstan halqy assambleıasy BAQ arasynda uıymdastyrylǵan «Shańyraq» respýblıkalyq baıqaýy qorytyndylandy. QazAqparat halyqaralyq aqparat agenttiginiń ujymy atalǵan baıqaýda 1-orynǵa ıe boldy.











Joǵary qaraı