Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Keı erkekter «áıelderge arnalǵan vagon quqyǵymyzdy shekteıdi» dep shaǵymdanǵan

2022 jyldyń 17 mamyr 2022 21:26

NUR-SULTAN. QazAqparat – Elimizde áıelderge arnalǵan poıyz vagondary qyzmetine qatysty shaǵym túsirgen jaǵdaı tirkeldi. Bul týraly «Qazaqstan temir joly» AQ qoǵammen baılanys departamentiniń dırektory Qaısar Jumabaıuly málim etti, dep habarlaıdy QazAqparat tilshisi.

«Áıelderge arnalǵan vagondardyń iske qosylýyna baılanysty quqyǵymyz shekteldi dep shaǵym jazǵan er adamdar boldy. Áıelder arnaıy vagondardyń bolýyn qýana qabyl aldy. Óz kezeginde er adamdar da mundaı jańashyldyqtardy qoldaýy tıis. Uzaq sapar kezinde áıelderge keýdesin jaýyp otyryp bala emizýge týra keledi. Bul yńǵaısyzdyq týǵyzady», - dedi Qaısar Jumabaıuly búgin BAQ ókilderimen ótken beıresmı kezdesýde.

Atalǵan vedomstvo usynǵan málimetke sáıkes, búginde áıelder vagony 3 óńirde 8 baǵyt boıynsha qatynaıdy.

Atap aıtqanda, Almaty – Mańǵystaý, Almaty – Óskemen, Almaty – Aqtóbe jáne Nur-Sultan – Shymkent baǵyttary.

Eske sala ketsek, ótken jyldyń kúzinen bastap keıbir poıyzdarda tek qana áıelderge arnalǵan vagondar iske qosyldy.

Buǵan deıin poıyzdarda oqys jaǵdaıda kómek shaqyrý úshin SOS batyrmasy paıda bolatynyn habarlaǵan edik.


Avtor Álı Ibraev
Basty sózder: Qoǵam, QTJ, Genderlik saıasat, Poıyz,
Joǵary qaraı