Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Kerýen saraı» rasynda penoplastan salynǵan ba: Shókeev synǵa jaýap berdi

2021 jyldyń 19 maýsym 2021 16:20

NUR-SULTAN. QazAqparat – Búgin Ortalyq kommýnıkatsııalar qyzmetiniń kóshpeli brıfınginde Túrkistan oblysynyń ákimi Ómirzaq Shókeev «Kerýen saraı» nysanyn salýda qandaı qurylys materıaldary qoldanylǵanyn aıtty, dep habarlaıdy QazAqparat tilshisi.

«Ol jerde kún saıyn júrdim. Ol temir-betonnan, armatýradan salynǵan. Bul jerde barlyǵy da óńirde seısmıkalyq qaýip tómen bolǵandyǵyna qaramastan úlken saqtyqpen josparlanǵan. Árıne, ártúrli ishki materıaldar, qabyrǵa materıaldary qoldanylǵan. Kelýshilerdiń biri sol materıaldy baıqap qalyp, búkil Kerýen saraı sonymen salynǵan dep oılapty. Bul qarapaıym materıal. Eger ol qurylystan habary bolsa mundaı jazbaıtyn edi. Jalpy, Sembol álemdik kompanııa sanalady. Ol óziniń abyroıyn qatty baǵalaıdy. Olar mundaı jaıt úshin abyroılaryna kelgen nuqsanǵa baılanysty jaýapqa da tartýy múmkin», - dedi Ómirzaq Shókeev.

Óńir basshysy penoplast arzan qurylys materıaly bolǵandyqtan barlyq jerde qoldanylatyndyǵyn basa aıtty.

«Ol óte arzan ári tıimdi. Jalpy, qazirgi álemde barlyǵy platmassadan jasalady. Myna ústel, qalamsap, mıkrofon plastmassadan jasalǵan. Sondyqtan menińshe, joq jerden túsiniksiz haıp jasap otyr. Mundaı jaıtty aıtqan kezde jaýapkershiliktiń de bolǵany durys-aý. Óıtkeni, biz týrısterdi tartqymyz keledi. Sheteldik ınvestorlardyń qarajatyn tartýǵa umtylamyz», - dedi oblys basshysy.


Avtor Marlan Jıembaı
Basty sózder: Ákim, Qurylys, Túrkistan oblysy,
Joǵary qaraı