Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kepildendirilgen áleýmettik paket: Mınıstr azyq-túliktiń sapasyna qatysty synǵa jaýap berdi

2021 jyldyń 27 qyrkúıek 2021 22:48

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Serik Shápkenov kepildendirilgen áleýmettik paket aıasynda az qamtylǵan otbasylarǵa beriletin azyq-túlik sapasyna qatysty túsinikteme berdi, dep habarlaıdy QazAqparat tilshisi.

Úkimet úıinde onlaın túrde baspasóz máslıhaty barysynda «Búginde kepildendirilgen áleýmettik paket máselesi ózekti bolyp otyr. Keıbir analar áleýmettik kómek aıasynda beriletin azyq-túliktiń sapasyna narazy. Kórsetilgen vıdeoǵa sáıkes onyń ishinde qurt-qumyrsqa órip júr. Osy máselege qatysty ne deısiz?» degen saýal joldandy.

Óz kezeginde elimizdiń Eńbek jáne halyqty áleýmettik qorǵaý mınıstri Serik Shápkenov atalǵan fakti boıynsha tekserý júrgiziletinin jáne rastalǵan jaǵdaıda tıisti shara qoldanylatynyn aıtty.

«Ataýly áleýmettik kómek alatyn otbasylarǵa kepildendirilgen áleýmettik paket sharasy aıasynda tegin azyq-túlik jıyntyǵy beriledi. Bul jerde azyq-túlikti jetkizgen boıda birden ashyp, tekserip alǵan jón. Eger talapqa saı kelmese, onda alýshy azyq-túlikti qaıtaryp berýge quqyly. Biz osyǵan deıin «Magným» saýda jelisimen birlesip osyǵan uqsas kelip túsken shaǵymǵa sáıkes tekserý júrgizdik, fakti rastalmady. Sondyqtan da azyq-túlik jıyntyǵy durys bolmaı shyqqan jaǵdaıda dereý bas tartyp, ol týraly bizdiń mınıstrlikke habarlasýǵa bolady», - dep jaýap berdi S. Shápkenov.

Buǵan deıin mınıstr Qazaqstanda bala sanyna qaramaı teńdeı járdemaqy berý máselesine qatysty pikir bildirdi.

Onyń málimdeýinshe, búginde elimizde ana men balany qorǵaý baǵytynda qabyldanǵan keshendi sharalar bar.


Joǵary qaraı