Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Kentaýda «Eńbek» baǵdarlamasy aıasynda 4 myńǵa jýyq adam jumyspen qamtyldy

2020 jyldyń 18 qyrkúıek 2020 10:21

KENTAÝ. QazAqparat – Túrkistan oblysy, Kentaý qalasynda aǵymdaǵy jyldyń basynan «Eńbek» baǵdarlamasy aıasynda 3979 adam jumyspen qamtylǵan.

Kásipkerlik bastamany yntalandyrý boıynsha 482 azamatqa qoldaý kórsetilý kerek bolsa, búginge deıin olardyń 314-i turaqty jumystaryn tapqan, dep habarlaıdy QazAqparat tilshisi.

Qaladaǵy 139 turǵyn «Bastaý Bıznes» jobasy boıynsha kásipkerlik kýrsyn oqyp, 45-i shaǵyn nesıe alǵan. Al, 130-y memlekettik grant ıegeri atanǵan. Sondaı-aq, bıyl baǵdarlamanyń úshinshi baǵyty – halyqty jumyspen qamtýǵa járdemdesý jáne eńbek resýrstarynyń utqyrlyǵyn arttyrý boıynsha 6103 adam qamtylady dep josparlanyp otyr.

Búgingi kúnge deıin 3665 azamatqa kómek kórsetilip, onyń 1623-i turaqty jumysqa ornalasqan. Taǵy 143 turǵyn áleýmettik jumys oryndaryna joldanyp, 500-i jastar praktıkasyna jáne 1399 azamat aqyly qoǵamdyq jumystarǵa tartylǵan.

Aıta keteıik, «Jumyspen qamtýdyń jol kartasy» aıasynda qala boıynsha 62 joba júzege asyrylǵan. Nátıjesinde 223 jańa jumys oryn ashylyp, halyqty jumyspen qamtý ortalyǵy arqyly 130 adam turaqty jáne ýaqytsha jumyspen qamtylyp otyr.


Joǵary qaraı