Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kendirli sý tuylandyrý zaýyty 2024 jyldyń sońyna deıin salynady

2022 jyldyń 12 mamyr 2022 12:39

NUR-SULTAN. QazAqparat - Mańǵystaý oblysynyń Kendirli eldi mekeninde sý tuylandyrý zaýyty 2024 jyldyń sońyna deıin salynady. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Jańaózen qalasyn aýyzsýmen qamtamasyz etý maqsatynda ónimdiligi táýligine 50 myń teńge metrdi quraıtyn «Mańǵystaý oblysy Kendirli eldi mekeninde sý tuylandyrý zaýytyn salý» jobasyn (jobanyń tapsyrys berýshisi – «QazMunaıGaz» UK» AQ) iske asyrý josparlanǵan. 2021 jylǵy 8 sáýirde joba boıynsha tehnıkalyq-ekonomıkalyq negizdemege (TEN) memlekettik saraptamanyń oń qorytyndysy alyndy. TEN-ge sáıkes jobanyń jalpy quny – 92,5 mlrd teńge. Jobany qarjylandyrý kózderi «QazMunaıGaz» UK» AQ jeke (15 % deıin) jáne qaryz (85 %) qarajaty bolyp sanalady», - dedi Úkimet basshysy jaýabynda.

Onyń atap ótýinshe, jobany odan ári iske asyrý úshin EPC-merdigerdi (Engineering, Procurement, Construction) tańdaý boıynsha ashyq halyqaralyq konkýrs ótkiziledi. Halyqaralyq konkýrstyń qorytyndysy shyǵarylyp, tıisti kelisimshartqa qol qoıylǵannan keıin ERS-merdiger joba boıynsha jobalaý-smetalyq qujattamany ázirleýge kirisedi. Qurylys-montajdaý jumystaryna 2023 jyldyń basynda kirisý josparlanǵan.

«Jobany iske asyrý Mańǵystaý oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi jospary aıasynda da qarastyrylǵan. Bul rette 2024 jyldyń sońyna deıin joba boıynsha qurylys-montajdaý jumystaryn aıaqtaý (qurylys merzimi 20 aıǵa deıin) josparlanýda. Jobanyń áleýmettik mańyzdylyǵyn eskere otyryp, ýákiletti organdar (kompanııalar) ony belgilengen merzimde iske asyrýdy aıaqtaý boıynsha qajetti is-sharalar qabyldaıtyn bolady. Jobanyń iske asyrylý barysy Úkimettiń jáne Mańǵystaý oblysy ákimdiginiń turaqty baqylaýynda», - dep atap ótedi Álıhan Smaıylov.


Joǵary qaraı