Aýa raıy
Astana -18 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Kelesi jyly «Tsıfrlyq saýat» páni 1-synyptan bastap oqytylady

2020 jyldyń 30 maýsym 2020 10:01

NUR-SULTAN. QazAqparat – Qazaqstandyq mektep oqýshylary 2021 jyldan bastap «Tsıfrlyq saýat» pánin 1-synyptan bastap oqıtyn boldy, dep habarlaıdy QazAqparat tilshisi.

«Orta bilim berýde 2013 jylǵa deıin aqparattyq tehologııalar páni 7-synyptan bastalyp, eskirgen mazmunnan turdy. Odan keıin 5-synypqa túsirildi. Biraq osy baǵdarlamalarda kóbine kompıýter paıdalaný, keńselik qosymshalardy ıgerý sııaqty qarapaıym daǵdylar berdik te, osy baǵdarlama jańartýdy talap etken bolatyn. Sondyqtan endi 2021 jyldan bastap «Tsıfrlyq saýat» páni 1-synyptan bastap enedi. Balalar algorıtmdi, aqparattyq gıgıena men qaýipsizdikti, Scratch kodtaý tilin úırenedi. STEM, 3D-prıntıng, robototehnıka negizderin ıgeredi», - dedi Ashat Aımaǵambetov Úkimet otyrysynda.

Mınıstrdiń aıtýynsha, sonymen qatar IOS, Android operatsııa júıelerin jáne Python, S++ sııaqty programmalaý tilderin úırenedi.

«Ol úshin elimizde oblys ortalyqtarynda jańadan 25 arnaýly IT-lıtseı ashyldy. 447 STEM zerthanasy men 2 myńǵa jýyq robot tehnıkasy kabıneti uıymdastyrylyp otyr», - dedi ol.


Joǵary qaraı