Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qazyǵurt aýdanynyń 51 eldi mekenindegi 102 235 turǵyn bıyl tabıǵı gazben qamtylmaq

2020 jyldyń 28 qarasha 2020 03:00

QAZYǴURT.QazAqparat - Túrkistan oblysynyń Qazyǵurt aýdanynda jyl basynan beri óndirilgen ónim kólemi 111 mlrd 413,4 mln. teńgeni qurady. Al jalpy tartylǵan ınvestıtsııa kólemi 12 mlrd 579,9 mln. teńgege jetti.

Bul týraly aýdan ákimi Tólegen Telǵaraev Túrkistan oblysynyń Óńirlik kommýnıkatsııalar qyzmetinde ótken baspasóz máslıhatynda málimdedi.

Aýdanda 10 aıda atqarylǵan jumystardyń qorytyndysy boıynsha baıandaǵan ákim aldaǵy ýaqytta atqarylar sharalarǵa da toqtaldy.

«Aýdan ekonomıkasynyń basym baǵyty bolyp tabylatyn aýyl sharýashylyǵynda 39 mlrd 463 mln. teńgeniń ónimi óndirilip, ósim 102,2 paıyzdy qurady. Egis kólemi 88 629,2 gektarǵa jetip, 4 102,4 gektarǵa artty. Jýyrda ǵana oblys ortalyǵy Túrkistan qalasynda ótken «ALTYN-KUZ-2020» aýyl sharýashylyǵy merekesinde aýdan dıqandarynyń qajyrly eńbeginiń arqasynda «Astyq óndirýshi ozat aýdan», «Et ónimderin qaıta óńdeýden ozat aýdan», sondaı-aq, «Agroónerkásip kesheniniń damý baǵdarlamasy kórsetkishterin oryndaýdan ozat aýdan» nomınatsııalaryna ıe boldyq. Bul kórsetkish tutastaı aýdan sharýalarynyń birlesip atqarǵan eńbegi»,-dedi Tólegen Turtaıuly.

Budan ózge, bıyl aýdandaǵy 51 eldi mekenniń 102 235 turǵynyn tabıǵı gazben qamtý josparlanýda. Sondaı-aq, aýdanda 77,47 shaqyrym ishki kóshelerge orta jóndeý jáne aýdandyq mańyzy bar joldar men 1 kópirge aǵymdaǵy jóndeý jumystary júrgizilýde.


Basty sózder: Energetıka, Gaz, Túrkistan oblysy,
Joǵary qaraı