«QazTransGaz Aımaq» AQ-nyń Shymkent fılıalyna qatysty tórt ákimshilik hattama toltyryldy

NUR-SULTAN. QazAqparat - «QazTransGaz Aımaq» AQ-nyń Shymkent fılıalyna qatysty tórt ákimshilik hattama toltyryldy, dep habarlaıdy QazAqparat QR QR Ulttyq ekonomıka mınıstrligi Tabıǵı monopolııalardy retteý agenttiginiń baspasóz qyzmetine silteme jasap.

Buǵan deıin, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Shymkent qalasy boıynsha departamentiniń atyna «QazTransGaz Aımaq» AQ-y Shymkent óndiristik fılıalynyń is-áreketine qatysty 4 azamattan ótinish kelip túsken bolatyn.

Departament osy ótinishterdiń negizinde, «Tabıǵı monopolııalar týraly» Qazaqstan Respýblıkasy Zańynyń normalaryn saqtaý mánine jospardan tys tekserý júrgizdi.
Jospardan tys tekserý nátıjeleri boıynsha «QazTransGaz Aımaq» AQ-nyń Shymkent óndiristik fılıaly berilgen tehnıkalyq sharttarǵa sáıkes qurylys-montajdaý jumystarynyń aıaqtalǵany týraly aqparat alyp, rettelip kórsetiletin qyzmetke qospaǵany týraly anyqtaldy, bul óz kezeginde «Tabıǵı monopolııalar týraly» Qazaqstan Respýblıkasy Zańynyń 24 jáne 26-baptaryn óreskel buzý bolyp tabylady.

Osyǵan baılanysty, departament «QazTransGaz Aımaq» AQ-nyń Shymkent óndiristik fılıalyna qatysty Qazaqstan Respýblıkasynyń «Ákimshilik quqyq buzýshylyq týraly» Kodeksiniń 164-babynyń 4-bóligi boıynsha 4 (tórt) ákimshilik hattama toltyrdy jáne Qazaqstan Respýblıkasy zańnamasynyń normalaryn buzýshylyqtardy dereý joıý týraly nusqama engizdi.