Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazposhta jas mamandarǵa qoldaý kórsetedi

2021 jyldyń 8 shilde 2021 17:06

NUR-SULTAN. QazAqparat - «Qazposhta» AQ taǵylymdamadan sátti ótken ýnıversıtet túlekterin jumysqa qabyldap, daryndy jastardy yntalandyrady, dep habarlaıdy QazAqparat «Qazposhtanyń» baspasóz qyzmetine silteme jasap.

«Samuryq-Qazyna» qorynyń «Jas órken» baǵdarlamasyna negizdelgen Zhas Orken Kazpost edition bastamasy 2019 jyldan beri júzege asyrylyp keledi. Joba bilikti kadrlardy, onyń ishinde daryndy jastardy izdeý protsesiniń tıimdiligin arttyrýǵa baǵyttalǵan.

Baǵdarlama sheńberinde úmitkerlerdiń bastapqy irikteýin «Samuryq-Qazyna» qory konkýrstyq negizde júzege asyrady. Joǵarý oqý ornynyń túlekteri oǵan elektrondy ótinim berý jáne irikteý kezeńderinen ótý arqyly qatysady. Baıqaý qorytyndysy boıynsha 20 fınalıstiń qataryna kirmegen qatysýshylar Qazposhtanyń Zhas Orken Kazpost edition jobasy aıasyndaǵy qosymsha mansaptyq múmkindikterin paıdalana alady. Nıet bildirgen jastarǵa qosymsha konkýrstyq irikteý alqaly suhbat úlgisinde uıymdastyrylady. Odan sátti ótken úmitkerler jańa kásibı daǵdylardy meńgerý úshin ózderine qyzyqty baǵyttar boıynsha Qazposhtada taǵylymdamadan ótedi. Joba qatysýshylary úshin 4 rotatsııa qarastyrylǵan. Taǵylymdama 5 aı ishinde ótedi.

Bıyl Mıras Muhametqalıev jáne Mánsııa Sámámbet «Qazposhta» AQ taǵylymdamadan ótip, jumysqa qabyldandy. Qos jas maman qarjy, poshta, IT bloktarynda, oblystyq jáne arnaıy fılıaldarda 4 rotatsııadan ótip, kompanııanyń negizgi protsesterimen jete tanysty. Onyń qorytyndysy boıynsha Mıras korporatıvtik oqý ortalyǵyna, Mánsııa Sámámbet GR jáne syrtqy baılanystar qyzmetine jumysqa ornalasty. Eki maman da Qazposhtanyń osy bólimshelerinde rotatsııadan ótti.

«Maǵan Zhas Orken Kazpost Edition baǵdarlamasyna qatysýǵa jaqsy múmkindik berildi. Men rotatsııadan tórt departamentte óttim: elektrondyq kommertsııa departamenti, transformatsııa jáne jobalyq basqarý departamenti, Astana pochtamt, poshta qyzmetteri departamenti. Qazposhta men úshin poshta bıznesiniń jańa ári zerttelmegen álemin ashty. Osy ýaqyt aralyǵynda men atalǵan salada bilim alyp qana qoımaı, jumysqa qajetti soft skills-ti damyttym. Bul - baǵa jetpes tájirıbe», - dep atap ótti Mánsııa Sámámbet.

«Zhas Orken Kazpost Edition baǵdarlamasy meniń barlyq úmitterimdi aqtap, odan da joǵary nátıjelerge jetýime septesti! Taǵylymdama barysynda ártúrli kásibı mindetteri bar 4 túrli departamentte eńbek etip, jobalyq qujattar men iskerlik hattardy daıyndaý, saýda barysynda qoldanylatyn kommýnıkatsııalary, kópshilik aldynda sóz sóıleý sııaqty qajetti daǵdylardy meńgerdim. Eń bastysy, ózgeristerge jáne beıimdelýge daıyndyq daǵdylary boıymda qalyptasty. Men joba menedjeri, qyzmet kórsetý sapasyn baqylaý jónindegi maman, satý jónindegi menedjer jáne kompanııa qyzmetkerlerin oqytý jónindegi maman qyzmetterin atqardym. Meniń oıymsha, jastardy qoldaýǵa baǵyttalǵan osyndaı baǵdarlamalar jas túlekter úshin mansaptyq joldy bastaýǵa, bilimin tekserýge jáne jetildirýge, praktıkalyq daǵdylardy ıgerýge úlken múmkindik beredi», - deıdi Mıras Muhametqalıev.

Ulttyq poshta operatory korporatıvtik-áleýmettik jaýapkershilik aıasynda elimizdiń joǵary oqý oryndarymen dýaldy oqytý boıynsha tyǵyz baılanys ornatylǵan. Búginde Nur-Sultan, Almaty, Shymkent, Aqtóbe, Semeı qalalaryndaǵy 6 kolledjde «Poshta baılanysynyń operatory» mamandyǵy boıynsha jastarǵa bilim beredi. Olar mamandandyrylǵan baǵdarlamalar boıynsha bilim alyp, Qazposhta bólimshelerinde óndiristik tájirıben ótedi. Oqý oryndaryn támamdaǵan jas mamandarda eńbek jolyn «Qazposhta» AQ bastaýǵa múmkindik bar.


Basty sózder: Bilim, Jastar,
Joǵary qaraı