Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qajylyq-2022 kvotasy 14 týroperatorǵa bólindi

2022 jyldyń 14 mamyr 2022 19:22

NUR-SULTAN. QazAqparat – Arnaıy komıssııanyń qorytyndysy boıynsha 3000 kvota konkýrs talaptaryna sáıkes kelgen 14 týroperatorǵa bólindi, dep habarlaıdy QazAqparat QR Mádenıet jáne sport mınıstrligine silteme jasap.

«Aqparat jáne qoǵamdyq damý mınıstrliginiń málimetine sáıkes týrıstik kompanııalar arasynda qajylyq oryndaryn (kvota) bólý boıynsha konkýrs ótkizildi. Arnaıy komıssııanyń qorytyndysy boıynsha 3000 kvota konkýrs talaptaryna sáıkes kelgen 14 týroperatorǵa bólindi. Olardyń arasynda, «Hıkmet Trevel», Atlas Tourism, «Qyzmet Saıahat», Tawaf Travel, Qazaq Travel, «Hıdaıat-Nýr», «Nur-Qazaqstan», Nurkhan travel, «Sembekova ı kompanııa», Sanabl, Mina travel, «Al-Marýa», «Ordabasy NJ», «Robınzon» kompanııalary bar»

, - delingen mınıstrlik málimetinde.

Vedomstvo Qazaqstan musylmandary dinı basqarmasynyń janynda dinı aqparat ortalyǵy jumys isteıtinin qaperge beredi. Suraqtar boıynsha ortalyqtan qazaq jáne orys tilderinde +7 7172 33 30 30 telefony arqyly jaýap alýǵa bolady.

Call-ortalyq táýlik boıy jumys isteıdi.

Aıta keteıik, búkil Qazaqstandy jaıaý aralaý nıetimen marafonǵa shyqqan Ulytaýdyń 72 jastaǵy turǵyny Sársenbaı Qotyrashov osy saparynan soń, kelesi jyly Mekke men Medınaǵa jaıaý barýdy armandaıtynyn aıtqan edi.




Joǵary qaraı