Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazgıdromet tanymal týrıstik aımaqtarǵa úsh meteorologııalyq stansa ornatty

2021 jyldyń 27 qazan 2021 10:44

NUR-SULTAN. QazAqparat - Qazgıdromet Qazaqstannyń týrıstik aımaqtaryna úsh avtomatty meteorologııalyq stansa ornatty, dep habarlaıdy QazAqparat.

«Qazgıdromet» tanymal týrıstik baǵyttardy meteorologııalyq monıtorıngimen qamtýdy qolǵa aldy.

«Pandemııa kezinde qazaqstandyqtardy elimizdiń ásem tabıǵatymen tanystyratyn týrıstik fırmalar men jekelegen belsendilerdiń sany kúrt ósti. Elimizde belsendi týrızmniń damýy gıdrometeorologııalyq qamtamasyz etýge degen suranysty arttyrýda. Boljamdardyń dáldigi, jaýyn-shashyn men daýyldy ýaqtyly habarlaý ishki týrızmniń birqatar salasynyń kiristerin qalyptastyrady», delingen habarlamada.

Qazaqstannyń týrıstik aımaqtaryna úsh avtomatty meteorologııalyq stansa ornatty. Olar - Sharyn shatqaly (Sharyn AMS), Kólsaı kóli (Kólsaı AMS) jáne Túrgen shatqaly (Túrgen AMS).

«Buryn bul aımaqtar Qazgıdromet monıtorıngisiniń jerústi jelisimen qamtylmaǵan bolatyn, degenmen AMS eldi mekenderdiń janynda da, shóldi, taýly jáne ormandy aýdandardaǵy úlken qalalardan qashyq jerlerde de ornalasqan. Qoryqtar ishinde ornalasqan osy úsh aımaqty tańdaýǵa óz betimen saıahattaýshylar men týrıstik fırmalar úshin naqty aýa-raıy boljamynyń qajettiligi sebep boldy», delingen habarlamada.

«Qazgıdromet» RMK-niń bir-úsh táýlikke beretin jaýyn-shashyn, jel, aýa temperatýrasy boıynsha boljamdarynyń durystyǵy 92%-ǵa deıin jetedi.

Adamdar kóp jınalatyn tanymal týrıstik marshrýttar aımaǵyna AMS-ty ornalastyrý kelýshilerge qolaısyz meteorologııalyq jaǵdaı, aýa-raıynyń kúrt ózgerýi jáne daýyl týraly eskertý qajettiliginen týyndap otyr. Qazgıdromet aldaǵy ýaqytta basqa da tanymal týrıstik baǵyttardy monıtorıngimen qamtý kózdep otyr.

Eske sala ketsek, 29 mamyrda Almaty oblysynyń Sharyn shatqalynda sel júrip, 2 týrıst qaza tapty. Taǵy 6 adam zardap shekken edi.


Basty sózder: Aýa raıy, Týrızm, Qazgıdromet,
Joǵary qaraı