Aýa raıy
Astana -15 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazgıdromet 7 óńirde eskertý jarııalady

2020 jyldyń 19 qazan 2020 16:59

NUR-SULTAN. QazAqparat – «Qazgıdromet» RMK 20 qazan kúni aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Túrkistan oblysynyń keı jerlerinde shyǵystan soǵatyn jeldiń kúshi 15-20 m/s artady.

Atyraý oblysynda túnde jáne tańerteń tuman kútiledi. Ońtústik-shyǵystan soǵatyn jel soltústik-batysqa aýysyp, kúshi kúndiz keı jerlerde 15-20 m/s jetedi.

Batys Qazaqstan oblysynyń keı jerlerinde kóktaıǵaq boljanady. Soltústikten, soltústikten-batystan soǵatyn jeldiń ekpini 15-20 m/s kúsheıedi.

Mańǵystaý oblysynda tuman bolady. Ońtústik-batystan soǵatyn jel soltústik-batysqa aýysyp, kúshi kúndiz keı jerlerde 15-20 m/s artady.

Aqmola oblysynda ońtústik-batystan soqqan jeldiń jyldamdyǵy 15-20 m/s jetedi.

Soltústik Qazaqstan oblysynyń keı jerlerinde túnde jáne tańerteń tuman kútiledi. Ońtústik-batystan, ońtústikten jel soǵady, kúshi 15-20 m/s artady.

20, 21 qazan kúnderi Jambyl oblysynda soltústik-shyǵystan soǵatyn jeldiń kúshi 15-20 m/s jetedi. Túnde jáne tańerteń keı jerlerde 1 gradýs úsik saqtalady.


Basty sózder: Aýa raıy, Qazgıdromet,
Joǵary qaraı