Aýa raıy
Astana -5 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Qazgıdromet: 10 tamyz kúngi aýa raıy boljamy

2020 jyldyń 10 tamyz 2020 06:30

NUR-SULTAN. QazAqparat – «Qazgıdromet» RMK-sy 10 tamyz kúngi aýa raıy boljamyn jarııa etti, dep habarlaıdy QazAqparat.

Kásiporyn taratqan málimetterge qaraǵanda, Ońtústik tsıklon Qazaqstannyń basym bóliginde aýa-raıynyń qubylmaly bolýyna yqpal etedi. Osyǵan qaraı, respýblıkanyń keı jerlerinde naızaǵaı men jańbyr, soltústik-batysynda nóser jańbyr jaýady. Daýyl turyp, burshaq jaýýy da múmkin. Sondaı-aq respýblıkanyń birqatar bóliginde jel kúsheıip, ońtústikte jáne batysta shańdy daýyl turady. Soltústikte, soltústik-batysta – tuman.

Aqmola, Qaraǵandy, Soltústik Qazaqstan oblystarynyń keı jerlerinde naızaǵaı oınap, daýyl turady, jeldiń jyldamdyǵy sekýndyna 15-20 metr bolady, ekpini 23 metr, burshaq jaýýy da múmkin. Soltústik Qazaqstan oblysynyń keı jerlerine tuman túsedi.

Almaty, Pavlodar, Shyǵys Qazaqstan, kúndiz Túrkistan oblystarynyń keı jerlerinde naızaǵaı oınap, jel sekýndyna 15-20 metr jyldamdyqpen uıtqıdy.

Atyraý, Manǵystaý, Batys Qazaqstan, kúndiz Jambyl oblystarynyń keı jerlerinde jel kúsheıip, jyldamdyǵy sekýndyna 15-20 metrge jetedi. Batys Qazaqstan, Mańǵystaý oblystarynda shańdy daýyl turady.

Qyzylorda oblysynda kúndiz jel sekýndyna 15-20 metr jyldamdyqpen soǵady. Respýblıkanyń keı jerlerinde jeldiń ekpini 25 metr bolady, shańdy daýyl turady.

Aqtobe oblysynyń birqatar aýmaǵynda naızaǵaı oınap, jel sekýndyna 15-20 metr jyldamdyqpen soǵady, kúndiz jeldiń ekpini 23 m/s bolady.

Qostanaı oblysynyń keı jerlerinde naızaǵaı oınap, jel sekýndyna 15-20 metr jyldamdyqpen uıtqıdy. Burshaq jaýyp, túnde jáne tańerteń keı jerlerine tuman túsedi.

Kúndiz Almaty oblysynda aptap ystyq bolady.

Qyzylorda, Túrkistan, Jambyl, Almaty oblystarynyń basym bóliginde, Atyraý, Aqtobe, Qaraǵandy oblystarynyń keı jerlerinde órt qaýpi saqtalady.


Basty sózder: Qoǵam, Aýa raıy,
Joǵary qaraı