Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazan aıynan bastap shyǵarylatyn QazVac delta shtamyna qarsy turýǵa qaýqarly bolady

2021 jyldyń 27 qyrkúıek 2021 17:25

NUR-SULTAN. QazAqparat – Aldaǵy qazan aıynan bastap otandyq QazVac vaktsınasy delta shtamyna qarsy kúresýge beıimdelip shyǵaryla bastaıdy. Bul týraly QR Premer-Mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.

«QazVac-tyń delta shtamymen kúrestegi qaýqaryna júrgizilgen zertteý nátıjesi otandyq vaktsınanyń tıimdi ekenin kórsetti. Úkimettiń tapsyrmasy boıynsha Bıologııalyq qaýipsizdik problemalarynyń ǵylymı-zertteý ınstıtýty (BQPǴZI) ýhan koronavırýsynyń shtamyn deltaǵa beıimdeý jáne aýystyrý boıynsha mańyzdy jumys júrgizdi. Qazan aıynda búkil QazVac vaktsınasy delta shtamymen shyǵarylady. Al Eta shtamy boıynsha búginde atalǵan ınstıtýt patologııalyq materıaldar aldy jáne 2 apta ishinde shtamm boıynsha zertteý jasaý josparlanyp otyr. Sodan keıin atalǵan shtamǵa qatysty QazVac tıimdiligin synaý jumysy júrgiziledi», - dedi E. Toǵjanova Úkimet úıinde ótken baspasóz máslıhatynda.

Premer-Mınıstr orynbasarynyń aıtýynsha, elge kelgen koronavırýs shtamdaryn zerttep, onymen kúresý máselesi únemi baqylaýda.

Buǵan deıin habarlaǵanymyzdaı, Úkimet basshysynyń orynbasary Jambyldaǵy vaktsına shyǵarý zaýytynyń óndiriske tolyq daıyn ekenin jetkizdi.

Onyń málimdeýinshe, búginde zaýytta montajdaý, jabdyqtardy iske qosý jáne valıdatsııa sharasy da tolyǵymen aıaqtaldy

Odan bólek, E. Toǵjanov elimizde toı-tomalaq ótkizýge ruqsat berýdiń sebebin túsindirip berdi.


Joǵary qaraı