Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń vaktsına pasporty qaı elderde jaramdy

2021 jyldyń 14 maýsym 2021 17:17

NUR-SULTAN. QazAqparat – Qazirgi tańda Qazaqstannyń vaktsına pasporty úsh elge týrıst retinde kirýge jaramdy, dep habarlaıdy QazAqparat tilshisi.

Bul týraly Týrızm ındýstrııasy komıtetiniń tóraǵasy Dastan Ryspekov ortalyq kommýnıkatsııalar qyzmetinde ótken brıfıngide aıtty.

«Jalpy qazir kóptegen elder PTR-testpen qatar vaktsınatsııa pasportymen de týrısterdi qabyldaıdy. Bizdiń Densaýlyq saqtaý mınıstrligi qazirgi kezde basqa elderdiń úkimetimen tıisti kelissóz júrgizip jatyr. Mysaly, búginde Mońǵolııa, Taıland jáne Majarstan týrısterdi bizdiń vaktsınatsııa pasportymen kirgize beredi. Osyndaı elderdiń sanyn kóbeıtý úshin jumys júrgizilip jatyr», - deıdi Dastan Ryspekov.

Sondaı-aq, ol Maldıv araldarynyń bıligimen de qazaqstandyq vaktsına pasporty bar týrısterdi qabyldaý boıynsha kelissóz júrip jatqanyn jetkizdi.

«Qazir Maldıv araldaryna barý úshin Qazaqstan Respýblıkasynyń azamattaryna mindetti túrde PTR-test qajet. Maldıv araldarynyń úkimetimen bizdiń vaktsına pasportyn qabyldaý boıynsha máseleler sheshilip jatyr. Sheshilgennen keıin PTR-testsiz-aq, vaktsına pasportymen kirýge múmkindik bolady», - dedi komıtet basshysy.


Joǵary qaraı