Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń tuńǵysh ulttyq jerseriktik telearnasy týǵan kúnin atap ótýde

2021 jyldyń 25 qazan 2021 19:30

NUR-SULTAN. QazAqparat – Búgin Qazaq TV – Tuńǵysh ulttyq jerseriktik telearnasy týǵan kúnin atap ótýde, dep habarlaıdy QazAqparat.

Qazaq TV arnasy alǵash ret 2002 jyldyń 25 qazanynda Caspionet ataýymen kórermenge jol tartty. Búgingi tańda Qazaq TV qazirgi Qazaqstannyń ómirin kórsetetin ımıdjdik jobaǵa aınaldy. Arna efırinde elimizdiń qoǵamdyq jáne mádenı ómirindegi basty oqıǵalar kórsetiledi. Telearnanyń mazmundyq toltyrylýy qazaq halqynyń tarıhyn, dástúrlerin, eldiń tabıǵaty men kórnekti tulǵalaryn tanystyratyn jobalardan turady.

Telehabarlar taratylymy qazaq, aǵylshyn, orys, ózbek, sondaı-aq qyrǵyz tilderinde júredi. Táýlik boıy jumys isteıtin telearna kórermenge qajetti dybystalýdy tańdaý múmkindigin usynady.

Aıta keteıik, 2020 jyly Qazaq TV arnasy Galaxy 19, Hotbird 13, MeaSat serikteri arqyly SD habar taratý standarttarynan HD formatqa aýysý protsesin aıaqtady.

«Qazaq TV telearnasynyń HD formatyndaǵy qazaq, aǵylshyn, orys, qyrǵyz jáne ózbek tilderinde seriktik habar taratýy Soltústik jáne Ortalyq Amerıka, Batys jáne Shyǵys Eýropa, Avstralııa men Okeanııa, Soltústik Afrıka, Taıaý Shyǵys, Azııa jáne Ońtústik Kavkaz elderin qosa alǵanda, álemniń 120-dan astam memleketin qamtıdy. 2019 jyldan bastap Yamal 401 seriktik platformasyna sıgnal shyǵarý múmkindiginiń arqasynda, Qazaq TV arnasy HD standartyna saı Reseı Federatsııasynyń aqyly teledıdar operatorlarynyń kabeldik jelilerinde qoljetimdi boldy», - delingen «Habar» agenttigi» AQ taratqan habarlamada.


Basty sózder: Tsıfrlyq Qazaqstan, BAQ, Qoǵam,
Joǵary qaraı