Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń prokýratýra organdarynda 1071 áıel qyzmet atqarady

2021 jyldyń 10 jeltoqsan 2021 17:59

NUR-SULTAN. QazAqparat – Qazaqstannyń prokýratýra organdarynda 1071 áıel qyzmet atqarady. QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń kezekti otyrysynda osyndaı málimet aıtyldy, dep habarlaıdy QazAqparat tilshisi.

Jıynda Bas prokýratýra ókili Murat Tileýberdıev quqyq qorǵaý salasynda qyzmet etip otyrǵan qyz-kelinshekter jaǵdaıy men olardyń basshylyq qyzmetke taǵaıyndalý múmkindigi týraly málimet berdi.

«Elimiz Táýelsizdik alǵannan bastap qyzmette de, kúndelikti turmysta da áıelderdi qoldaýǵa baǵyttalǵan genderlik saıasat júrgizilýde. Prokýratýra organdarynyń kadrlyq saıasaty zańdylyq pen quqyqtyq tártipti qamtamasyz etý jónindegi qyzmettik mindetterdi tıimdi atqarýǵa, qabiletti joǵary bilikti jáne kásibı daıyndalǵan mamandar korpýsyn qalystapstyrýǵa baǵyttalǵan. Ózderińiz bilesizder, 2020 jyldan bastap quqyq qorǵaý qyzmetine qabyldaý prokýratýra organdarynyń akademııasy arqyly júrgiziledi. Qazirgi kezde akademııada 178 ul, 72 qyz bala oqyp jatyr. Kadr saıasatyn iske asyrý kezinde prokýratýra organdary «QR 2030 jylǵa deıingi genderlik jáne otbasylyq saıasat jónindegi tujyrymdamasynyń» basym baǵyttaryn eskere otyryp, qyzmet ótkerý kezinde genderlik teńdikti saqtaý úshin jumysty dáıekti jáne maqsatty túrde júzege asyrady», - dedi ol.

Aıtýynsha, prokýratýra organdarynyń qyzmetkerlerin joǵary turǵan basshy laýazymdarǵa usyný kezinde genderlik teńgerimdi saqtaý boıynsha monıtorıng júrgizilip keledi.

«Prokýratýra organdarynda 1071 áıel qyzmet atqarady. Bul qyzmetkerlerdiń jalpy sanynyń 22 paıyzy. Áıelderdiń jalpy sanynyń 7 paıyzy basshylyq qyzmette. Synyptyq shender bólinisinde 246 áıelde birinshi synypty zańger, 365 áıelde kishi ádilet keńesshisi, 207 ádilet keńesshisi jáne ádilet keńesshisi jáne 37 aǵa ádilet keńesshisi, 236 úshinshi jáne ekinshi synypty zańger shenine ıe.

Áıelder prokýrorlyq qyzmettiń ár baǵytynda jumys isteıdi. Arnaıy prokýrorlar, tergeýdi jáne jedel izdestirý qyzmetin qadaǵalaý, jazalardyń oryndalýy, qoǵamdyq múddelerdi qorǵaý, norma shyǵarmashylyq, halyqaralyq yntymaqtastyq baǵyttarynda eńbek etýde.

Negizinen áıel prokýrorlardyń kúsh-jigerimen tsıfrlandyrý salasyndaǵy ozyq ta laıyqty sanalatyn naqty quqyqtyq statıstıka men arnaıy esepke alý isi jolǵa qoıyldy», - dedi Bas Prokýratýra ókili.


Joǵary qaraı