Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń ońtústik óńirlerinde elektr jaryǵynyń óshýi: Komıssııa sebepterin atady

2022 jyldyń 28 qańtar 2022 12:29

NUR-SULTAN. QazAqparat - «KEGOC» AQ Qazaqstannyń ońtústik óńirleriniń elektr energııasynan ajyratylý sebepterin aıtty, dep habarlaıdy QazAqparat tilshisi.


«2022 jylǵy 25 qańtarda Nur-Sultan ýaqyty boıynsha saǵat 11:59-da Ózbekstan Respýblıkasynda qysqa tuıyqtalý saldarynan Syrdarııa JES-indegi 6 energııa blogy ajyratylyp, generatsııanyń jıyntyq shyǵyny 1500 MVt-tan asty. Ózbekstannyń energııa júıesinde paıda bolǵan qýat tapshylyǵy Ózbekstan men Qyrǵyzstannyń energııa júıelerimen qatarlas jumys isteýge qosylǵan Qazaqstannyń energııa júıesinen qýatty sanktsııalanbaǵan irikteýge alyp keldi. Saldarynan 500 kV «Qazaqstannyń Soltústik-Shyǵys-Ońtústik» tranzıtine qýat «shamadan tys jınalýy» oryn alyp, júkteme asyp ketti. Energetıkalyq jabdyqtyń buzylýyna jáne eldiń ońtústik oblystarynyń tolyq sóndirilýine jol bermeý maqsatynda avtomatıka áreketimen Almaty, Jambyl, Túrkistan jáne Qyzylorda oblystary oqshaýlanǵan jumysqa aýystyryla otyryp, tranzıt bólindi», - delingen kompanııa aqparatynda.

«KEGOC» AQ-nyń avarııaǵa qarsy avtomatıkasynyń durys jáne ýaqtyly jumysynyń arqasynda respýblıkanyń ońtústik oblystaryndaǵy barlyq elektr stantsııalary jıyntyq qýaty shamamen 1500 MVt tutynýshylardy elektrmen jáne jylýmen jabdyqtaýdy jalǵastyra otyryp, jumys istep turdy.

Osylaısha, Qazaqstannyń ońtústik aımaǵyndaǵy tutynýshylardy tolyq ajyratýǵa jol berilmedi. 500 kV «Qazaqstannyń Soltústik-Shyǵys-Ońtústik» tranzıti boıynsha qýattyń jetkizilýiniń bolmaýyna baılanysty májbúrli shekteýler shamamen 1800 MVt qurady.

Sol ýaqytta Ózbekstan men Qyrǵyzstannyń energııa júıeleri barlyq elektr stantsııalary men tutynýshylary ajyratyla otyryp, tolyǵymen óshti. Ózbekstannyń energııa júıesinde ajyratylǵan júkteme shamamen 9600 MVt (tutynýdyń 100%-y), Qyrǵyzstanda shamamen 2600 MVt (tutynýdyń 100%-y) qurady.

Jeli shemasyn jedel qalpyna keltirý barysynda saǵat 14:45-te Qyzylorda oblysy boıynsha barlyq shekteýler alynyp tastaldy, 14:53-te Almaty qalasy men Almaty oblysy boıynsha barlyq shekteýler alynyp tastaldy. 16.00-ge qaraı Qazaqstannyń ońtústik oblystarynyń tutynýshylaryn elektrmen jabdyqtaý qalpyna keltirildi.

Qazaqstan BEJ-i tarapynan qalpyna keltirý aıasynda Qyrǵyzstan men Ózbekstannyń energııa júıelerine atalǵan elderdiń elektr stantsııalaryna kerneý berý arqyly kómek kórsetildi, bul olarǵa qalpyna keltirý is-sharalaryn bastaýǵa múmkindik berdi. Qyrǵyzstannyń energııa júıesiniń qalypty rejımine oralýy shamamen bir táýlik ýaqytty qajet etti. Aǵymdaǵy jylǵy 27 qańtar saǵat 14:00-degi jaı-kúı boıynsha Ózbekstannyń energııa júıesi avarııany joıýdy jalǵastyrýda.

«Apattyń tsıfrlyq maınıngti tutynýshylardyń qyzmetimen baılanysty emes ekendigin aıta ketken jón», - dep atap ótedi kompanııadan.

Eske salaıyq, 25 qańtarda (Nur-Sultan ýaqytymen) Ortalyq Azııa (Ózbekstan, Qyrǵyzstan) energııa júıesinde týyndaǵan aqaý saldarynan «Soltústik-Shyǵys-Qazaqstannyń ońtústigi» 500 kV elektr energııasy tranzıtine arnalǵan qýattyń tómendeýi oryn aldy.

Sonyń saldarynan Almatynyń birneshe aýdanynda elektr energııasy óship qaldy. Sondaı-aq Qyzylorda oblysynda elektr energııasyna baılanysty irkilis boldy.

Budan bólek, áleýmettik jelilerde jaryq Jambyl jáne Túrkistan oblystarynda da óshkeni týraly jazyldy.

Elektr energııasy Qazaqstanmen qatar, Ózbekstanda jáne Qyrǵyzstan elderinde de óshti.

Osy oqıǵa baılanysty QR Energetıka mınıstrligi elektr energııasyn óshirý sebepterin tekserý boıynsha arnaıy komıssııa qurdy.


Joǵary qaraı