Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń munaı óńdeý zaýyttary qosymsha 2 myń tonna avıaotyn óndiredi

2021 jyldyń 28 qazan 2021 17:50

NUR-SULTAN. QazAqparat - Elimizdegi munaı óńdeý zaýyttarynda 6,9 myń tonna avıaotyn qory bar. Bul týraly QazAqparat QazMunaıGazdyń baspasóz qyzmetine silteme jasap habarlaıdy.

«QazMunaıGaz» avıaotyn óndirýdiń qazan aıyndaǵy jospary tolyq oryndalǵanyn jetkizdi.

«Osy jyldyń qazan aıynda otandyq munaı óńdeý zaýyttary avıaotyn óndirý josparyn tolyq oryndaýda. Qazannyń 28-i kúngi jaǵdaı boıynsha Shymkent jáne Atyraý munaı óńdeý zaýyttary 36,2 myń tonnany óndirgen. QR Energetıka mınıstrliginiń tapsyrmasyn eskerip, otandyq munaı óńdeý zaýyttary osy aıdyń sońyna deıin qosymsha 2 myń tonna avıaotyn óndiredi. Jalpy osy aıda Atyraý, Shymkent jáne Pavlodar zaýyttarynan barlyǵy 42,4 myń tonna avıaotyn jóneltildi», - delingen habarlamada.

Kompanııanyń habarlaýynsha, qazirgi ýaqytta otandyq munaı óńdeý zaýyttarynda 6,9 myń tonna avıaotyn qory bar.

Buǵan deıin QR Indýstrııa jáne ınfraqurylymdyq damý mınıstrligi elorda áýejaıy men «SKAT» áýe kompanııasynyń avıaotyn jetispeýshiligine qatysty málimdemelerine pikir bildirgen bolatyn.
Joǵary qaraı