Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń medıa tutynýshylaryn kóbinese qandaı kontent qyzyqtyrady

2021 jyldyń 27 qyrkúıek 2021 14:13

NUR-SULTAN. QazAqparat – Otandyq medıa naryqqa ólshem jasalyp jatyr. ıAǵnı, medıa tutynýshylardy kóbinese qandaı kontentter qyzyqtyrady jáne ony qaıdan taýyp qaraıtyny anyqtalmaq.

Bul týraly QR Aqparat jáne qoǵamdyq damý vıtse-mınıstri Kemelbek Oıshybaev málim etti, dep habarlaıdy QazAqparat tilshisi.

«Biz úshin halyqty qandaı medıa kontent qyzyqtyratyny jáne ony qaıdan qaraıtyny mańyzdy. Osy oraıda biz medıaólsheý júrgizýdi qolǵa aldyq. Maqsat – medıa tutynýshylardy ne qyzyqtyrantynyn anyqtaý. Onyń ishinde qala men aýyl jurtyn qandaı resýrstar qyzyqtyratyny da eskireledi. Árıne bul jańashyldyq emes. Medıa naryqta ólshem túsinigi buǵan deıin de bar. Bizdiń mindet medıaólshemdi ashyq túrde júrgizip, qoljetimdi etý. Jáne oǵan qatysýshylardyń sanyn arttyrý. ıAǵnı halyq qandaı medıa kontentti qaraıtynyn túsiný. Aıta ketetin jaıt, bul bastama elimizdiń medıa, jarnama naryǵyn baqylaýdy nemese tekserýdi kózdemeıdi», - dedi K. Oıshybaev.

Vıtse-mınıstrdiń aıtýynsha, medıaólshem tek televıdenıe salasynda emes, sonymen qatar ınternet qaýymdastyq men áleýmettik jeliler boıynsha da júrgiziledi.

«Saıttarda kóbinese qandaı taqyryptar oqylady nemese jelide ne týraly vıdeolar jıi qaralady oǵanda ólshem jasalady. ıAǵnı elimizdiń búkil medıa naryǵyna ólshem júrgiziledi. Qazirgi ýaqytta ólshem televıdenıe salasy boıynsha júrip jatyr. Onyń barysy men nátıjesi mınıstrliktiń resmı saıtyna jarııalanady. Al ınternet medıa naryǵyna ólshem júrgizý kelesi jyly qolǵa alynady. Onyń qorytyndysy da onlaın túrde qoljetimdi bolady», - deıdi ol.

Aıta keteıik, mınıstr orynbasary «Astana Media Week – 2021» medıa aptalyǵy aıasyndaǵy «Medıany damytý strategııasy» atty dóńgelek ústel barysynda baıandama jasady.


Joǵary qaraı