Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń mashına jasaý kásiporyndary qaı elderge ónim eksporttaıdy

2020 jyldyń 17 qyrkúıek 2020 11:55

NUR-SULTAN. QazAqparat – Qazaqstannyń mashına jasaý ónerkásibi sońǵy 10 jylda óndiris kólemin 4 ese arttyrdy. Bul týraly Qazaqstan mashına jasaýshylarynyń VIII forýmynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Memlekettik ındýstrııalyq baǵdarlamany iske asyrý nátıjesinde mashına jasaý óńdeý ónerkásibi ósiminiń draıverine aınaldy. Sońǵy 10 jylda saladaǵy óndiris kólemi 4 ese, ınvestıtsııalar 2,5 ese, eksport kólemi 3 ese derlik ósip, 1,1 mlrd AQSh dollaryn qurady. 2018 jyldyń qorytyndysy boıynsha jyldyq óndiris kólemi alǵash ret 1 trln teńge jáne sala óńdeý ónerkásibiniń iri salasy – metallýrgııamen bir qatarǵa turdy», - dedi mınıstr.

Onyń dereginshe, 2019 jyldyń qorytyndysy boıynsha saladaǵy óndiris kólemi 1 trln 472 mlrd teńge boldy. Al 2020 jyldyń 8 aıynda saladaǵy óndiris kólemi 16,3 paıyzǵa ósti. Salanyń 3 myń kásipornynda shamamen 123 myń adam eńbek etedi.

«Memleket pen bıznestiń birlesken kúsh-jigeriniń arqasynda salada shamamen 367 mlrd teńge somaǵa 128 joba sátti úzege asyrylyp, 16 myńǵa jýyq jumys orny quryldy. Eńbek ónimdiligi 9,2 myń dollardan 15,5 myń dollarǵa deıin ósti. Eksportqa shyǵarylatyn ónim ataýy keńeıtildi. Qazir bizdiń mashına jasaý kásiporyndarymyz Reseı, qytaı, Ázerbaıjan, Tájikstan, BAÁ, Túrikmenstan syndy elderge ónimderin eksportqa shyǵarady. Lokomotıvter, júk jáne jolaýshylar vagony, temir jol dóńgelekteri men bilikter, akkýmýlıatorlardyń jańa túrleri, sorǵyshtar syndy mashına jasaý ónimderiniń jańa túrleri shyǵaryla bastady»,- dedi Beıbit Atamqulov.


Joǵary qaraı