Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń Qytaımen saýda aınalymy bir jylda 13% ósti

2021 jyldyń 26 qarasha 2021 13:30

NUR-SULTAN. QazAqparat – Qazaqstannyń Qytaımen saýda aınalymy bir jylda birden 13% artty. Alaıda eksporttyq jetkizilimder ótken jylǵy kórsetkishterge áli jete qoıǵan joq. Shekaradaǵy ahýal aqyryndap qalpyna kelýde, dep habarlaıdy QazAqparat finprom.kz saıtyna silteme jasap.

Osy jyldyń úsh toqsanynyń qorytyndysy boıynsha Qazaqstannyń Qytaımen taýar aınalymy 13,5 mlrd AQSh dollaryn qurady. Al AQSh-pen saýda aınalymy - bir jyl burynǵyǵa qaraǵanda 12,5% artqan. Onyń ishinde eksport 1,3%, 7,3 mlrd AQSh dollaryna deıin ósip, ımport, kerisinshe, 34,7%, 6,2 mlrd AQSh dollaryna azaıǵan.

Qytaı Qazaqstan taýar aınalymynyń 18,5% qurap otyr, eksport qurylymynda — 16,8%, ımport qurylymynda - 21%.

Jyl basynan beri Qazaqstan Qytaıǵa 163,2 myń tonna bıdaı, 90,4 myń tonna arpa, 4 mln tonna temir kenin, 44,3 myń tonna marganets kenin, 37,1 mln tonna myrysh kenin, 85,1 myń tonna kómir, 2,5 mln tonna shıki munaı, 5,3 mlrd tekshe metr tabıǵı gaz, 3,7 myń tonna jún, 529,8 myń tonna ferroqorytpa, 28,1 myń tonna janýar nemese ósimdik tektes maılardy, 8,7 myń tonna toqyma buıymdaryn jáne t.b. jibergen.

Sonymen qatar, Qazaqstan Qytaıdan 531 tonna kondıterlik ónim, 1,3 myń tonna dári-dármek, 9,5 myń tonna gıgıenalyq jáne kosmetıkalyq qural, 1,7 mln shına men dońǵalaq tysyn, 10,6 myń tonna qaǵaz, karton jáne tsellıýloza maqtasyn, 77,5 myń sharshy metr lınoleým, 46,5 myń tonna trıkotaj kıimin, 2,5 myń tonna radıator, 1,9 myń tonna ishten janý qozǵaltqyshyn, 9,7 myń tonna aýa nemese vakýýmdyq sorǵylar, 9,6 myń tonna tońazytqysh pen muzdatqysh, 1,7 myń tonna telefon apparatyn, 303,6 myń monıtor men proektor jáne t. b. ákelgen.

Qazaqstan júkterin qabyldaý jáne jóneltý boıynsha Qytaı engizgen shekteýlerge baılanysty jaǵdaı birtindep sheshilýde.


Basty sózder: Ekonomıka,
Joǵary qaraı