Aýa raıy
Astana -24 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń Qarýly Kúshterinde qorytyndy tekserý bastaldy

2020 jyldyń 5 qazan 2020 14:15

NUR-SULTAN. QazAqparat - Qarýly Kúshterde áskerlerdi qorytyndy tekserý bastaldy, dep habarlaıdy QazAqparat QR Qorǵanys mınıstrliginiń baspasz qyzmetine silteme jasap.

Sharaǵa jeke quram 100% qatysatyn bolady. Eki apta ishinde árbir áskerı qyzmetshi normatıvterdi oryndaý, synaqtar men test tapsyrý qorytyndylary boıynsha óziniń kásibıligi negizinde baǵalanatyn bolady. Bólimshelerdiń jaýyngerlik qabileti men úılesimdiligi, komandırlerdiń jeke quramdy basqara bilýi eseptik kezeńde ótkizilgen oqý-jattyǵýlardyń nátıjesi boıynsha qorytyndylanady.

2020 jyl Qarýly Kúshter úshin erekshe jyl boldy. Koronavırýstyq pandemııanyń órshýi kezinde ásker tótenshe jaǵdaıdy qamtamasyz etý sharalaryna tartyldy. 10 myńnan astam áskerı qyzmetshi blokpostarda qyzmet atqardy. Eldi mekenderdi patrýldeýge qatysyp, áleýmettik mańyzy bar nysandardy qaraýyldady. Birqatar áskerı medıtsınalyq mekemer COVID-statsıonarlar retinde qaıta beıivdeldi, al áskerı gospıtaldar men lazaretterdiń dáriger-meıirbıkelik brıgadalary jergilikti densaýlyq saqtaý organdarynyń qaramaǵyna jiberildi.

«Osyǵan qaramastan, áskerdiń jaýyngerlik ázirligin qoldaý jónindegi barlyq is-sharalar tolyq kólemde oryndalýda. Jyl basynan beri 200-den astam taktıkalyq oqý-jattyǵýy jáne 20 000-nan astam jaýyngerlik atys ótkizildi.

Karantın sharalaryn jeńildete otyryp, áskerıler aýqymdy is-sharalarǵa kiristi. Qyrkúıek aıynda elimizdiń batys óńirinde áskerlerdiń san alýan toptasýymen lańkestikke qarsy oqý-jattyǵýlar ótkizildi. Jambyl oblysynda «Aldaspan» iri jedel-taktıkalyq jáne Almaty oblysynda brıgadalyq taktıkalyq oqý-jattyǵýlar ótti.

Qazir elimizdiń barlyq óńirlerinde polıgondar men oqý-jattyǵý alańdarynda arnaıy operatsııalar kúshteriniń jaýyngerlik ázirligin tájirıbelik tekserý júrip jatyr.

Al Almaty oblysynyń Tilendıev kentindegi oqý ortalyǵynda el tarıhyndaǵy alǵashqy keshendi bitimgershilik oqý-jattyǵýy ótkizilip jatyr. Atalmysh oqý-jattyǵý aǵymdaǵy jyldyń 8 qazanyna deıin jalǵasady. Oqý-jattyǵýǵa desanttyq-shabýyldaý áskerleriniń, Áskerı-áýe kúshteriniń, Áskerı polıtsııanyń, áskerı medıtsınalyq mekemelerdiń, bitimgershilik daıarlaý jáne mınasyzdandyrý ortalyqtarynyń jeke quramy qatysady»,-delingen habarlamada.


Basty sózder: Ásker, QR Qorǵanys mınıstrligi,
Joǵary qaraı