Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń qandaı óńirlerinde qaldyqtardy paıdalaný ınfraqurylymy jasalady

2021 jyldyń 29 qarasha 2021 12:16

NUR-SULTAN. QazAqparat – QR Premer-Mınıstriniń orynbasary Roman Sklıar elimizdiń birqatar óńirinde turmystyq qatty qaldyqtardy basqarý ınfraqurylymy ázirlenip jatqanyn aıtty, dep habarlaıdy QazAqparat tilshisi.

«Jergilikti atqarýshy organdar qaldyqtardy paıdalanýǵa qajetti ınfraqurylymdardy qurý baǵytynda jumys istep jatyr. Máselen, Atyraý oblysynda turmystyq qatty qaldyqtardy basqarýǵa arnalǵan 2 keshenniń qurylysyna jer ýchaskesi bólindi. Olarda turmystyq qatty qaldyqtardy suryptaý, qaıta óńdeý jáne qaıta paıdalaný kózdelgen. Batys Qazaqstan oblysynda Oral qalasyndaǵy turmystyq qatty qaldyqtar polıgondary aýmaǵynda jyldyq qýaty 100 myń tonna, al Aqsaı qalasynda táýliktiń qýaty 25 tonna bolatyn qoqysty suryptaý jelisi ornatylǵan. Buǵan qosa, Oral (70 gektar) jáne Aqsaı (40 gektar) qalalarynda turmystyq qatty qaldyqtarǵa arnalǵan jańa polıgondar salýǵa jer bólingen», - delingen Roman Sklıardyń Májilis depýtattary saýalyna bergen jaýabynda.

Onyń dereginshe, Pavlodar qalasyndaǵy turmystyq qatty qaldyqtar polıgonynyń amaǵynan 43,5 gektar jer ýchaskesi bólingen. Oǵan qoqys óńdeıtin zaýyt salý kózdelgen. Al Qyzylorda oblysynyń Jańaqorǵan eldi mekeninde jańa polıgon salýǵa 20 gektar jer bólinip, tehnıkalyq-ekonomıkalyq negizdemesi jasaldy. Qazirgi ýaqytta memlekettik saraptamadan ótip jatyr.

«Aqmola oblysynda oblystyq 6 óńirinde suryptaý jelileri bolatyn turmystyq qatty qaldyqtar polıgondary qurylysyna arnalǵan 7 jobanyń tehnıkalyq-ekonomıkalyq negizdemesi ázirlendi. Sonymen qatar ýche qalasynda turmystyq qatty qaldyqtarǵa arnalǵan eski polıgondy qalpyna keltirý tehnıkalyq-ekonomıkalyq negizdemesin ázirleý jumysy júrgizilip jatyr», - dedi vıtse-premer.


Joǵary qaraı