Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń eńbek sińirgen dárigeri qurmetti ataǵy belgilenbek

2022 jyldyń 18 mamyr 2022 12:41

NUR-SULTAN. QazAqparat – «Qazaqstannyń eńbek sińirgen dárigeri» qurmetti ataǵy belgilenbek. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Medıtsına qyzmetkerleriniń kásibı jaýapkershiligin saqtandyrý júıesin engizýdi qamtamasyz etý maqsatynda «Keıbir zańnamalyq aktilerge densaýlyq saqtaý máseleleri boıynsha ózgerister men tolyqtyrýlar engizý týraly» zań jobasy ázirlendi. Osy aıda ol QR Parlamentiniń Májilisine engiziletin bolady», - dedi ol Ortalyq kommýnıkatsııalar qyzmetinde ótken baspasóz máslıhatynda.

Onyń atap ótýinshe, zań jobasynda Qylmystyq kodekstiń 317-babynyń qylmystyq normalaryn izgilendirý kózdelgen. ıAǵnı, aıyppul sanktsııalary jeńildetiledi. Sottyń qaraýyna bas bostandyǵyn shekteý boıynsha balama engiziledi. Bas bostandyǵynan aıyrý merzimderi qysqartylady

«Jáne de osy zań jobasy boıynsha medıtsınalyq kómektiń sapasyn arttyrý maqsatynda patsıenttiń ómiri men densaýlyǵyna zııan keltirgeni úshin kásiptik jaýapkershilikti arttyrý, olardy saqtandyrý kózdeledi. Sonymen qatar bilimdi, eńbek sińirgen dárigerlerge «Qazaqstannyń eńbek sińirgen dárigeri» qurmetti ataǵyn belgileý qarastyrylǵan», - dedi Ajar Ǵınııat.

Osyǵan deıin dárigerlerdiń jalaqysy taǵy 30 paıyzǵa artatyny habarlandy.
Joǵary qaraı