Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń depozıtterge kepildik berý qory barlyq mindettemelerin oryndaýǵa daıyn

2022 jyldyń 21 qańtar 2022 13:53

NUR-SULTAN. QazAqparat - Qazaqstannyń depozıtterge kepildik berý qory barlyq qabyldanǵan mindettemelerin oryndaýǵa daıyn. Bul týraly QR Ulttyq bank tóraǵasy Erbolat Dasaev aıtty, dep habarlaıdy QazAqparat tilshisi.

«Qazaqstannyń depozıtterge kepildik berý qory barlyq qabyldanǵan mindettemelerin oryndaýǵa daıyn. Osy maqsattar úshin arnaıy rezerv quryldy, ol búgingi kúni shamamen 850 mlrd teńge boldy», dedi ol Prezıdenttiń bıznes ókilderimen kezdesýinde.

Onyń atap ótýinshe, Ulttyq bank pen Qarjy naryǵyn retteý jáne damytý agenttigi qarjylyq turaqtylyqqa birlesip kómek kórsetý sheńberinde ekinshi deńgeıdegi bankterdiń operatsııalyq qyzmetiniń úzdiksizdigin, olardyń aktıvteriniń saqtalýyn jáne kapıtaldyń jetkiliktiligin baqylaýdy qamtamasyz etýge daıyn.

«Qajet bolǵan jaǵdaıda Ulttyq Bank naryqtyq jaǵdaılarda bank sektorynyń ótimdiligin qoldaıdy», dedi Erbolat Dosaev.


Joǵary qaraı