Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstannyń damý áleýetiniń múmkindigi joǵary - EO

2021 jyldyń 6 qarasha 2021 10:30

BІShKEK. QazAqparat – Eýropalyq odaqtyń Ortalyq Azııaǵa baǵyttaıtyn ınvestıtsııasy arta túsedi. Bul týraly Bishkekte «Eýropalyq Odaq – Ortalyq Azııa» ekonomıkalyq forýmynan keıin Eýropalyq komıssııanyń vıtse-prezıdenti Valdıs Dombrovskıs aıtty, dep habarlaıdy QazAqparat tilshisi.

«Qazaqstan Ortalyq Azııadaǵy eń úlken ekonomıka ekeni belgili. Osy oraıda ekonomıkalyq damý deńgeıi, jan basyna shaqqandaǵy jalpy ishki ónim kólemi boıynsha óńirdegi ekonomıkalyq eń damyǵan el bolyp otyr. Sondyqtan aldaǵy ýaqytta da Qazaqstan úshin damý áleýetiniń múmkindigi joǵary. Bul turǵyda Eýropalyq odaq tarapynan tıisti qoldaý jasaýǵa daıynbyz», - dedi Valdıs Dombrovskıs tilshiler saýalyna jaýap bere otyryp.

Sonymen qatar ol 2023 jyly «Eýropalyq Odaq – Ortalyq Azııa» ekinshi ekonomıkalyq forýmynyń Qazaqstanda ótýi bastamasyn qoldaıtynyn jetkizdi.

«Eýropalyq odaqtyń Ortalyq Azııaǵa baǵyttaıtyn ınvestıtsııasy arta túsedi. Biz energetıka, kólik jelisi boıynsha jumystardy jalǵastyrmaqpyz, sondaı-aq jeke jobalar da barshylyq. Qazaqstan Premer-Mınıstri Asqar Mamınmen kezdeskende túrli salalardaǵy yntymaqtastyqty talqyladyq. Bizdiń elder arasyndaǵy saýda ári ınvestıtsııalyq aǵyndar ózgeretini anyq», - dedi Valdıs Dombrovskıs.

Budan buryn habarlanǵandaı, bıyl 5 qarashada Bishkekte Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy ótti.

QR Úkimet basshysy Asqar Mamın 2023 jyly «Eýropalyq Odaq – Ortalyq Azııa» ekonomıkalyq forýmy boıynsha Qazaqstandy qabyldaýshy tarap retinde usyndy.


Joǵary qaraı