Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń birqatar ózeninde ylǵal qory normadan asyp tur – TJM

2021 jyldyń 2 naýryz 2021 16:45

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın aldaǵy sý tasqyny kezeńine daıyndyq jumystaryn baıandady, dep habarlaıdy QazAqparat tilshisi.

«Qazgıdromet» RMK aldyn ala bergen boljamy boıynsha Aqmola oblysyndaǵy Shaǵalaly ózeniniń basseıninde ylǵal qory normadan 54%-ǵa, Soltústik Qazaqstandaǵy Esil ózeniniń basseıninde 50%-ǵa jáne Aqtóbe oblysyndaǵy Elek ózeniniń basseıninde 39%-ǵa artyq», - dedi mınıstr Ortalyq kommýnıkatsııalar qyzmetinde ótken brıfıngte.

TJM derekteri boıynsha, Aqmola jáne Soltústik Qazaqstan oblystaryndaǵy Esil ózenderiniń, Qostanaı oblysyndaǵy Toǵyzaq ózeniniń, Qaraǵandy oblysyndaǵy Nura ózeniniń basseınderinde topyraqtyń kúzgi ylǵaldaný kórsetkishteri normadan asyp tur. Topyraqtyń qatý tereńdigi Batys Qazaqstan, Soltústik Qazaqstan, Qaraǵandy, Aqmola, Qostanaı, Aqtóbe oblystarynda ótken jylǵy kórsetkishterden orta eseppen 9-71 sm artyq. Qar jınalý protsesi áli de jalǵasýda.

«Qazirgi ýaqytta sý resýrstary komıtetiniń bólimsheleri sý qoımalarynyń tolýyna monıtorıng júrgizip otyr. Sý qoımalary shtattyq rejımde jumys istep tur. Qar erigen kezde birtindep tranzıttik jumys rejımine kóshemiz, bul kóktemgi sý tasqyny kezeńinde keletin sýdy jınaqtaýǵa jáne kedergisiz ótkizýge múmkindik beredi», - dep atap ótti mınıstr.


Joǵary qaraı