Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń avtokólik naryǵy: 2020 jyldyń qorytyndysy men bıylǵy kórsetkishter

2021 jyldyń 23 qańtar 2021 11:55

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi málimetinshe, 2020 jyly qazaqstandyqtar 93 myń jańa avtokólik satyp aldy.

Avtoónerkásip salasynyń Qazaqstannyń jalpy ishki ónimine qosqan úlesi 612,8 mlrd teńgege deıin ósti. Osy oraıda jańa avtomobılder naryǵy 24 paıyzǵa artty.

Belgili bolǵandaı, Qazaqstanda satylǵan árbir úsh avtomobıldiń ekeýi óz elimizde jasalǵan. Pandemııaǵa baılanysty týyndaǵan barlyq qıyndyqtarǵa qaramastan, 2020 jyly Qazaqstanda ósim toqtaǵan joq jáne ol álemdegi eń jaqsy kórsetkishterdiń biri boldy. Qazaqstan AvtoBıznes Qaýymdastyǵynyń (QABQ) málimetinshe, 2020 jyly resmı dılerler 972 mlrd teńgege 92 989 jańa jeńil jáne kommertsııalyq avtomobıl satqan. Bul 2019 jylǵy kórsetkishten 24 paıyzǵa kóp.

«Bul jyl avtoóndirýshiler men memlekettiń salany damytýdaǵy uzaq merzimdi múddeliligin taǵy bir márte rastady. Úkimet pen avtoónerkásiptiń úılesimdi jumysynyń arqasynda ınvestıtsııalar tartylyp, jańa jumys oryndary ashylyp qana qoımaı, syrtqy naryqtarǵa baǵyttalǵan eksportty ornyqty damytýǵa múmkindik berdi. Mashına jasaý salasy aqshalaı alǵanda, ótken jylmen salystyrǵanda 31,7 paıyzdan astam turaqty ósim kórsetti. Ósim negizinen avtokólik quraldaryn, treılerler jáne jartylaı tirkemeler shyǵarý, ózge de kólik quraldary, elektr jabdyqtary, mashınalar men qondyrǵylar óndirisin arttyrý esebinen boldy. 2020 jyly avtomobıl jasaý salasynda ónerkásiptik óndiris ındeksi 2019 jylmen salystyrǵanda 152,5 paıyzdy qurady», - delingen QR IIDM málimetinde.

2020 jyldyń on eki aıynda Qazaqstanda 77 431 kólik quraly shyǵarylyp, 2019 jyldyń qańtar-jeltoqsan aılaryndaǵy kórsetkishten 53,2% asty. Avtomobıl jasaý salasy qyzmetiniń jıyntyq nátıjesi aqshalaı alǵanda arǵy jyldyń sáıkes kórsetkishinen 70,4 paıyz (612,8 mlrd teńge) kóp boldy.

Jeńil avtomobılder óndirisi 47 paıyzǵa artyp, 64 790-ǵa jetti. Júk tehnıkalaryn shyǵarý kólemi eki ese ósip, 8 240-qa, al avtobýstar óndirisi 66 paıyzǵa (1 801 kólik) artty. Tirkemeler men jartylaı tirkemeler óndirisi de eki esege (2 196) ósti.

2020 jyldyń basty oqıǵalary retinde Qazaqstanda jańa zaýyttar men óndiris oshaqtarynyń iske qosylýyn aıtýǵa bolady. Byltyr Qostanaıdaǵy «SaryarqaAvtoProm» zaýytynda Chevrolet avtomobılderin shyǵarý jolǵa qoıylyp, qysqa ýaqyt ishinde elimizdegi eń joǵary ósim kórsetti jáne 2020 jylǵy Qazaqstandaǵy eń tanymal brendter qataryna endi. Sáýir aıynda Almatyda Hyundai jeńil avtokólikteri, al jeltoqsanda Qaraǵandy oblysynda Yutong avtobýstary shyǵaryla bastady.

Jalpy 2020 jyly 22 136 Hyundai (+39%) avtokóligi, 19 434 Chevrolet jáne Ravon (+217%),15 848 Lada (+8%) avtomobıli óndirildi. Sondaı-aq Kia (4 863 kólik) men JAC (4 173) alǵashqy bestikke endi.

Árbir onynshy avtomobıl – eksportqa

Zaýyttardyń eksportqa baǵyt ustaýy jasalatyn tehnıkanyń joǵary sapasyn jáne shetel klıentteri tarapynan senim bar ekenin kórsetedi.

2020 jyly Qazaqstan jaqyn shetelderge 8 122 avtomobıl eksporttady. Bul 2019 jylǵy kórsetkishten (2 629 kólik) 3 ese kóp. Jalpy ótken jyly 55,9 mlrd teńgege elimizde óndirilgen barlyq tehnıkanyń 10 paıyzdan astamy eksportqa shyǵaryldy.

Hyundai, Chevrolet jáne JAC kólikterine Reseıde, Ózbekstanda, Belarýste jáne Qyrǵyzstanda suranys joǵary.

Qazaqstanda satylǵan eń tanymal avtomobılder

2020 jyly tórtinshi toqsanda kólikter eń kóp satylǵan kezeń boldy. Jyldyń sońǵy aılarynda 29 465 avtokólik satyldy jáne olardyń basym bóligi Hyundai jáne Chevrolet úlesine tıesili.

Jalpy jyl qorytyndysynda Hyundai kósh bastap keledi. Dılerler 17 856 avtomobıl satty (ótken jyldyń nátıjelerine +20%). Lada ázirge ekinshi orynda tur - ótken jyly 17 453-i (+14%) satyldy. Elge ımporttalatyn avtomobılderdiń ishinde kóshbasshysy – Toyota. Japon markasynyń dılerleri Qazaqstanda 10 081 avtomobıl (-29%) satty jáne Bishkekte 596 kólik (+86%) satty. Naýryz aıynda bastalǵan Chevrolet satylymy joǵary qarqynmen artyp keledi, 2020 jyldyń 9 aıynda 10 029 avtomobıl ótkizildi (+1097%).

Ravon besinshi orynda, byltyr bul brendtiń 7 137 sedany satylǵan. Altynshy orynda Kia - 6 004 avto (+60%). Renault ótkizilgen 2 599 kólikpen(+0,2%) jetinshi orynda tur. Kórsetkishteri ótken jylmen birdeı. Segizinshi orynda JAC - 2 519 (+80%).

2020 jyly eń kóp satylǵan kólikterdiń alǵashqy ondyǵyn: Nissan (2 438 kólik; +3%) jáne Volkswagen (2 427 kólik; +44%) túıindedi.

2020 jyly Qazaqstandaǵy premıým-segment

Bul segmentte «Leksýs» markasy turaqty túrde kóshbasshy bolyp keledi. Satylymnyń 40 paıyzdan astamy osy brendke tıesili. Resmı dılerlerdiń avtosalondary «Leksýstyń» 1 298-in satqan. Ekinshi orynda BMW - 686 avtokólik (-13%). Land Rover dılerleri 247 krossover men jol talǵamaıtyn kólikti ótkizdi (+15%).

Sonymen qatar bul tizimde, Infiniti (234 kólik; + 48%), Mercedes-Benz (201; + 14%) ,Porsche (116; + 57% ) ,Cadillac (111; + 1%), Audi (81; + 21% ) ,Volvo (50 ; -19%) jáne Jaguar (35; -35%) kólikteri bar.

Eń tanymal modelder: Lexus RX (563 kólik), Lexus LX (305) jáne BMW X7 (229).

QABQ derekteri boıynsha, 2020 jyly avtosalondarda premıým avtomobılderin satý 2 paıyzǵa (2019 jyly 3114 kólik bolsa, 2020 jyly - 3073) tómendedi. Aqshalaı alǵanda satylym 26 paıyzǵa, 102,6 mlrd teńgege deıin ósti. Segmenttegi jańa avtomobıldiń ortasha quny - 33 384 763 teńge.

Tirkeý kórsetkishteri azdap tómendedi

COVID-19 pandemııasyna jáne elimizdiń qalalary men óńirlerde engizilgen karantınge baılanysty mamandandyrylǵan HQKO-lar 2020 jylǵy sáýirde óz qyzmetin toqtata turýǵa nemese shekteýge májbúr boldy. Osy ýaqytta nebári 3 066 kólik esepke alyndy. Bul sońǵy 6 jyldaǵy eń tómen kórsetkish tirkelgen aı. Soǵan qaramastan, mamyr aıynda jaǵdaı turaqtanyp, tirkeý qaıtadan jandandy. Al qyrkúıek aıynda basqa rekord bolyp, 2015-2020 jyldar kezeńindegi eń kóp kólik tirkeldi - 145 154. Ótken jyldyń sońyna qaraı arnaıy HQKO-lar arqyly 1 226 721 kólik quraly ótti. Bul - 2019 jylmen salystyrǵanda 5,3 paıyzǵa kem.

2020 jyly qalyptasqan jaǵdaı bıznes pen memleketti onlaın-saýdany belsendi engizýge yntalandyrdy. QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń jáne QR Іshki ister mınıstrliginiń qoldaýymen qysqa merzimde avtomobılderdi tek jeke tulǵalar arasynda ǵana emes, sonymen qatar dılerlik ortalyqtarda da onlaın tirkeýge múmkindik jasaldy. Qyzmetterdi tsıfrlandyrýdy odan ári damytý josparlanyp otyr.

2020 jylǵy qańtar-jeltoqsandaǵy tirkelimderdiń jalpy kólemi aıasynda bastapqy tirkeý úlesi 7,3%-dan 11%-ǵa deıin ósti. Qazaqstanda alǵash ret 135 101 kólik quraly esepke qoıyldy. Onyń ishinde Armenııadan ákelingen avtomobılderdi tirkeý, kommertsııalyq tehnıkalar men tirkemeler bar.

Ótken jyldardaǵydaı, 2020 jyl qorytyndysynda qazaqstandyqtar QR ІІM organdarynda Toyota (189 815 birlik), Lada (165 873 birlik), Mercedes-Benz (82 449 birlik), Volkswagen (80 802 birlik) avtomobılderin resimdedi. Ár jyldary shyǵarylǵan Audi (58 289 birlik) kóligin altynshy orynǵa yǵystyrǵan Hyundai (61 407 birlik) avtomobılderi besinshi orynǵa kóterildi.

2021 jyly 120 myńdaı jańa avtokólik satylýy múmkin

Naryq pen salanyń damý perspektıvalaryn taldaı otyryp, bıyl naryqtaǵy jergilikti avtomobılderdiń úlesin arttyrý trendi saqtalady deýge bolady. Sonymen qatar, avtoónerkásip óndiristik qýatyn keńeıtip, shyǵarylatyn ónimniń eksporty men lokalızatsııasyn arttyrýdy jalǵastyrady.

QABQ boljamy boıynsha 2021 jyly 100-120 myń jańa jeńil jáne kommertsııalyq avtomobıl satylýy múmkin.


Joǵary qaraı