Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń aýyl sharýashylyǵy ónimderi qaı elderge eksporttalady

2021 jyldyń 30 qarasha 2021 11:11

NUR-SULTAN. QazAqparat – Aǵymdaǵy jyldyń 9 aıynda eksport 950,5 mln dollardy qurady. Bul týraly Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

«Aǵymdaǵy jyldyń 9 aıynda eksport 950,5 mln dollardy qurady. Eksport kóleminiń ósimi 2,4%-ǵa jetti. Sút ónimderi boıynsha 2%-ǵa, makaron ónimderi boıynsha 37,4%-ǵa, kúnbaǵys maıy boıynsha 11,7%-ǵa ulǵaıý baıqaldy. Agroónerkásiptik keshen ónimderi eksportynyń jalpy kólemindegi óńdelgen ónim eksportynyń úlesi 37%-dy quraıdy. Bul deńgeıdi biz óndiris kólemin ulǵaıtý jáne eksport úshin kedergilerdi joıý esebinen 70%-ǵa deıin eki eseleýge tıispiz», - dedi E. Qarashókeev Úkimet otyrysynda.

Eksporttyń negizgi baǵyttary – bul Eýrazııalyq ekonomıkalyq odaqqa múshe memleketter men Ortalyq Azııa elderiniń (Ózbekstan, Tájikstan), Aýǵanstannyń, sondaı-aq Eýropa elderiniń (Germanııa, Italııa) dástúrli ótkizý naryqtary.

«Ulttyq joba aıasynda aýyl sharýashylyǵy ónimderin óńdeý salasyna ınvestıtsııalar tartýdy yntalandyrý úshin shyǵystardyń bir bóligin óteý boıynsha ınvestıtsııalyq sýbsıdııalar, agroónerkásiptik keshen sýbektileriniń lızıngi men kredıtteri boıynsha syıaqy mólsherlemeleri, óńdeýshi kásiporyndardyń shıkizat satyp alýǵa arnalǵan shyǵyndaryn sýbsıdııalaý sııaqty memlekettik qoldaýdyń barlyq sharalary saqtaldy. Jalpy, Ulttyq jobany iske asyrý nátıjesinde bes jyl ishinde tamaq ónimderin óndirý kólemin 1,5 esege ulǵaıtý, sondaı-aq salaǵa 700 mlrd teńgege deıin ınvestıtsııa tartý josparlanyp otyr, bul qosymsha 7 myń adamdy jumyspen qamtamasyz etedi», - dedi mınıstr.


Joǵary qaraı