Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń 8 oblysynda aýa raıyna baılanysty eskertý jarııalandy

2020 jyldyń 28 qarasha 2020 20:15

NUR-SULTAN. QazAqparat – Qazaqstannyń 8 oblysynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

29 qarashada Shyǵys Qazaqstan oblysynyń keı jerlerinde qalyń qar jaýyp, boran soǵady. Ońtústik-shyǵystan soǵatyn jel batysqa aýysady, kúshi keı jerlerde 15-20, ekpini 25 m/s jetedi.

Erteń Óskemende boran soǵady, ońtústik-shyǵystan soǵatyn jel batysqa aýysady ekpini 15-20 m/s jetedi.

29 qarashada Semeıde burqasyn, ońtústik-shyǵystan soǵatyn jel batysqa aýysady ekpini 15-20 m/s jetedi.

29 qarashada túnde Aqmola oblysynyń ońtústik-shyǵysynda qalyń qar jaýady. Keı jerlerde tuman túsip, jaıaý boran soǵýy yqtımal. Soltústik-batystan, soltústikten jel soǵady, túnde keı jerlerde kúshi 15-20 m/s jetedi.

Erteń Kókshetaýda tuman túsýi yqtımal.

29 qarashada Pavlodar oblysynyń keı jerlerinde qalyń qar jaýady. Keı jerlerde tuman túsip, jaıaý burqasyn soǵady. Shyǵystan, soltústik-shyǵystan jel soǵady, kúshi keı jerlerde 15-20 m/s jetedi.

29 qarashada Túrkistan oblysynyń keı jerlerinde tuman túsedi, jaıaý burqasyn soǵady, shyǵystan soǵatyn jeldiń kúshi 15-20 m/s jetedi.

29-30 qarashada Jambyl oblysynyń keı jerlerinde tuman túsedi, kóktaıǵaq bolady, jaıaý burqasyn kútiledi. Soltústik-shyǵystan soǵatyn jeldiń kúshi keı jerlerde 15-20 m/s jetedi.

29 qarashada Mańǵystaý oblysynda shyǵystan, ońtústik-shyǵystan jel soǵady, kúshi keı jerlerde 15-20 m/s jetedi.

Erteń Aqtaýda shyǵystan, ońtústik-shyǵystan jel soǵady, ekpini 15-20 m/s jetýi múmkin.

Aldaǵy eki kúnde Tarazda tuman túsýi múmkin.

29 qarashada Qyzylorda oblysynyń keı jerlerinde tuman túsýi yqtımal.

29 qarashada Qostanaı oblysynyń keı jerlerinde tuman túsedi.

Basty sózder: Aımaq, Qazgıdromet, Aýa raıy,
Joǵary qaraı