Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstannyń 50 úzdik ǵalymy 6 mıllıon teńgeden alady

2021 jyldyń 17 qarasha 2021 00:13

NUR-SULTAN. QazAqparat - Qazaqstannyń 50 úzdik ǵalymy 6 mıllıon teńgeden alady. Aqshalaı syıaqylar «Úzdik ǵylymı qyzmetker» respýblıkalyq baıqaýynyń qorytyndysy boıynsha beriletin bolady. Bul ǵalymdardy qoldaýǵa baǵyttalǵan alǵashqy aýqymdy syıaqy. Ótinimderdi qabyldaý 15 qarasha bastaldy. Bul týraly QazAqparat Bilim mınıstrligine silteme jasap habarlaıdy.

Konkýrstyń maqsaty – otandyq ǵylymnyń damýyna eleýli úles qosqan ǵalymdar men ǵylymı qyzmetkerlerdiń eńbegin kótermeleý bolyp tabylady.

«Qazirgi tańda otandyq ǵylym salasynda damýdyń jańa sapaly kezeńi baıqalady. Ǵalymdarymyzdyń ázirlemeleri álemdik naryqqa shyǵýda. Jaqynda ǵana biz 14 qazaqstandyq ǵylymı ázirlemeniń Qytaı, Reseı, Túrkııa, Grýzııa, Chehııa jáne Qyrǵyzstanǵa eksportqa shyǵarylatyny týraly málimdegen edik. Memleket basshysynyń tapsyrmasy boıynsha mınıstrlik ǵalymdar men ǵylymı uıymdardyń, joǵary jáne joǵary oqý ornynan keıingi bilim berý uıymdarynyń qyzmetkerlerin jan-jaqty qoldaý máselelerine nazar aýdarady. Qazaqstandyq ǵalymdardy yntalandyrý jáne ǵylymı qyzmettiń bedelin arttyrý boıynsha sharalar ázirlenip, iske asyrylyp jatyr. Bıyl mınıstrlik alǵash ret elimizdiń úzdik ǵalymdaryna 50 syıaqy beretin bolady. Olardyń árqaısysy shamamen 6 mıllıon teńgeden alatyn bolady. Ǵylymı jetistikterdi baǵalaý boıynsha barlyq krıterıı ǵylymı jáne sarapshylar qaýymdastyǵymen birlesip, ázirlendi. Baıqaý komıssııasynyń quramyna elimizdiń túrli baǵytta qyzmet etetin jetekshi ǵalymdary men ǵylymı qoǵamdyq birlestikterdiń ókilderi kirdi», – dedi QR BǴM Ǵylym komıtetiniń tóraǵasy Janna Qurmanǵalıeva.

Konkýrsqa qatysýǵa ótinimder mınıstrliktiń https://universitycontest.iac.kz/bestresearcher/ aqparattyq júıesi arqyly elektrondyq formatta 15 jeltoqsanǵa deıin qabyldanady. Úmitkerlerdiń ǵylymı jetistikteri ǵylymı dárejesi, ǵylymı ataǵy, ǵylymı jarııalanymdary men monografııalarynyń bolýy, ǵylymı jobalar men baǵdarlamalarǵa basshylyq jasaý sııaqty krıterııler boıynsha baǵalanatyn bolady. Bul rette úmitker sońǵy jyly ýnıversıtette keminde bir pándi júrgizip, sondaı-aq sońǵy 3 jylda PhD fılosofııa doktory ǵylymı dárejesi bar kadrlardy daıarlaýy jáne ǵylym máseleleri jónindegi konsýltatsııalyq organdardyń jumysyna qatysýy mindetti.

Sonymen birge baıqaýǵa qatysýshy ǵylymı ázirlemeleriniń óndiriske engizilýi boıynsha nátıjelerin usynýy qajet.


Joǵary qaraı