Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa ushyp kelgen 34 jolaýshydan koronavırýs anyqtaldy

2020 jyldyń 25 qazan 2020 11:21

NUR-SULTAN. QazAqparat – Bıylǵy 6 – 25 qazan aralyǵynda halyqaralyq áýe reısterimen Qazaqstanǵa kelgen 34 jolaýshydan koronavırýs anyqtaldy. Bul týraly Kóliktegi bas memlekettik sanıtarlyq dáriger Sádýaqas Baıǵabylov málim etti, dep habarlaıdy QazAqparat tilshisi.

S.Baıǵabylovtyń aqparatyna sáıkes, 25 qazan kúni túnde elimizge 11 halyqaralyq avıareıs ushyp kelgen. Barlyǵy 1483 jolaýshynyń 1228-inde koronavırýsqa tapsyrǵan analızderiniń anyqtamalary bolǵan, Qazaqstannyń 255 azamatynda ondaı anyqtama bolǵan joq.

11 avıareıs oryndaldy:

- tórteýi Nur-Sultan qalasyna, barlyǵy 434 jolaýshy, onyń 350-inde anyqtama – bar, 84-inde – joq;

- altaýy Almaty qalasyna, barlyǵy 939 jolaýshy, onyń 778-inde anyqtama – bar, 161-inde – joq;

- bireýi Shymkent qalasyna, 110 jolaýshy, 100-inde anyqtama – bar, 10-ynda – joq.

«Anyqtamasyz úshyp kelgen Qazaqstan azamattary PTR-analız tapsyrý úshin Nur-Sultan, Almaty jáne Shymkent qalalaryndaǵy karantındik statsıonarlarǵa jatqyzyldy. Jolaýshylar Túrkııa, BAÁ, Ýkraına jáne Belarýsten kelgen.

Bıylǵy 6 qazannan bastap PTR anyqtamasyz kelgen halyqaralyq reısterdiń 34 jolaýshysy Qazaqstanǵa koronavırýs alyp keldi: Shymkent – 2, Nur-Sultan – 4, Almaty – 28», - dedi S.Baıǵabylov.


Joǵary qaraı