Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa Pfizer vaktsınasynyń 645 myń dozasy jetkizildi

2021 jyldyń 23 qarasha 2021 09:41

NUR-SULTAN. QazAqparat – Qazaqstanǵa Comirnaty (Pfizer) vaktsınasynyń 645 myń dozasy ákelindi. Bul týraly QR Densaýlyq saqtaý mınıstri Alekseı Tsoı Úkimet otyrysynda aıtty, dep habarlaıdy QazAqparat tilshisi.

«Halyqty koronavırýsqa qarsy vaktsınalaý jalǵasýda. 1-komponentti 8,7 mln adam aldy. Bul tıisti eresek halyqtyń 76%-yn nemese 46%-yn quraıdy. Ekinshi komponentti 70%-yn nemese jalpy halyq sanynyń 42,2%-yn qamtıtyn 7,9 mıllıonnan astam adam salǵyzdy. Qazaqstanǵa Comirnaty (Pfizer) vaktsınasynyń 645 myń dozasy kelip tústi. Búgingi tańda 35 012 adam, onyń ishinde 26 354 bala jáne 8 658 júkti jáne bala emizetin áıelder ekpe aldy», - dedi vedomstvo basshysy.

Mınıstr atalmysh vaktsınanyń túrin jetkizý apta saıyn jalǵasatynyn atady.

«Tumaýǵa qarsy vaktsınatsııa is júzinde aıaqtaldy. 2 mıllıon 500 myńnan astam adam nemese halyqtyń 99,3% ekpe aldy. Jalpy halyqtyń 13%-yna jáne Dúnıejúzilik densaýlyq saqtaý uıymy talap etetin deńgeıge (keminde 10%) jetti», - dedi Alekseı Tsoı.


Joǵary qaraı