Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa kóshetin qandastardan talap etiletin qujat sany 43-ten 20-ǵa deıin qysqarady

2019 jyldyń 28 qarasha 2019 11:17

NUR-SULTAN. QazAqparat – Qazaqstanǵa kóshetin qandastardan talap etiletin qujat sany 43-ten 20-ǵa deıin qysqartylady. Bul týraly elordada ótip jatqan «Otandastar. Bolashaqqa baǵdar» atty halyqaralyq dóńgelek ústelde QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

Mınıstr álemniń 43 elinde 5-6 mıllıon qazaq turatynyn atap ótti. Bul – qazaq etnosynyń úshten bir bóligi.

«Biz sheteldegi qandastardy qoldaýdyń jańa tetigin keshendi túrde pysyqtap jatyrmyz. Ol – halyqaralyq tájirıbege negizdelgen mehanızm. Ekinshiden, mınıstrlik etnıkalyq qazaqtardyń elimizge kóshý rásimin ońtaılandyrýǵa baǵyttalǵan júıeli sharalar ázirleý boıynsha úlken jumys júrgizdi. Biz adamdardyń «qandas» mártebesin alýǵa ótishin berýinen bastap qazaqstandyq pasport bergenge deıin barlyq protsesti taldap, kelesi sharalardy tańdadyq: qandastardan suralatyn qujat sanyn 46-dan 20-ǵa deıin qysqartamyz», - dedi ol.

Dáýren Abaev qujat rásimdeý boıynsha barlyq qyzmet tek bir jerden – HQO-da «bir tereze» qaǵıdaty boıynsha kórsetiletinin atap ótti.

«Bul rette alǵashqy ótinishti Qazaqstanǵa kelmeı-aq bizdiń sheteldegi elshilikterimizdiń konsýldyǵyna berýge bolady. Qandastarǵa ýaqyt jáne qarajat jaǵynan tıimdi bolýy úshin osy máseleni eskerdik. Oǵan qosa qujat rásimdeý boıynsha qyzmet kórsetý merzimi 6 aıdan 3 aıǵa deıin qysqarady. Osy jumystyń barlyǵyn oryndaý úshin Jol kartasyn ázirledik. Soǵan saı, barlyq memlekettik organ qajetti quqyqtyq jáne uıymdastyrý sharalaryn qabyldaýy tıis. Bul biryńǵaı tereze 2020 jyldyń úshinshi toqsanynyń sońynda tolyq kúshine enedi», - dedi ol.

Joǵary qaraı