Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa kem degende 100 myń tonna reseılik dızel otyny ákelinbek

2021 jyldyń 6 qazan 2021 12:33

NUR-SULTAN. QazAqparat – Qazan aıy boıy elimizge kem degende 100 myń tonna dızel otynyn ákelý josparlanyp otyr. Bul týraly QR Energetıka mınıstri Maǵzum Myrzaǵalıev málim etti, dep habarlaıdy QazAqparat tilshisi.

«Búginde dızel otynyn jetkizý ótkir másele bolyp tur. Onyń birneshe sebebi bar. Biz elimizge dızel otynyn jetkizý men tutyný kóleminiń artqanyn baıqap otyrmyz. Bizdiń aldymyzda qazan aıy boıy Reseıden kem degende 100 myń tonna dızel otynyn ákelý mindeti tur. Eger qyrkúıek aıynyń 20 kúninde elimizge 5 myń tonna dızel otyny jetkizilse, qalǵan 10 kúnniń ishinde 15 myń tonna ónim ákelindi. Al qazan bastalǵaly 4 kúnniń ishinde Qazaqstanǵa 12 myń tonna dızel otyny keldi. Qazirgi ýaqytta atalǵan otyn túrin jetkizý máselesi kún tártibinde jáne baqylaýda. Jalpy ımporttyq otyndy jetkizý men tutyný trendine oń baǵa berýge bolady», - dedi Maǵzum Myrzaǵalıev elordada ótip jatqan «KIOGE-2021» halyqaralyq munaı jáne gaz kórmesinde tilshilerdiń suraǵyna jaýap bere otyryp.

Buǵan deıin habarlaǵanymyzdaı, Nur-Sultan qalasynda alǵash ret «KIOGE-2021» halyqaralyq munaı jáne gaz kórmesi ashyldy.

«EXPO» halyqaralyq kórme ortalyǵynda ótip jatqan sharaǵa 9 elden 156 kompanııa qatysyp jatyr jáne ol eki kún boıy ótedi.


Joǵary qaraı