Aýa raıy
Astana 6 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa kelgen jolaýshylardan koronavırýs anyqtalǵan joq – mınıstrlik

2020 jyldyń 25 qyrkúıek 2020 16:10

NUR-SULTAN. QazAqparat – Qazaqstanǵa kelgen jolaýshylardan koronavırýs anyqtalǵan joq. Mundaı málimetti Densaýlyq saqtaý mınıstrliginiń resmı ókili Baǵdat Qojahmetov jarııa etti, dep habarlaıdy QazAqparat tilshisi.

«Mınıstrlik qazirgi ýaqytta Qazaqstanǵa kóliktiń ártúrli túrimen kelip jatqan jolaýshylar boıynsha jaǵdaıdy baqylaýda ustap otyr. Qazir Qazaqstanǵa jolaýshylar eki jolmen – avtokólikpen nemese ushaqpen keledi. 24 qyrkúıekte bizdiń elge ushaqpen 2 127 adam keldi. Onyń 2008-i – áýe jolaýshylary bolsa, 119-y ekıpaj músheleri», - dedi Baǵdat Qojahmetov OKQ-da ótken baspasóz máslıhatynda.

Mınıstrliktiń resmı ókiliniń aıtýynsha, kelgen jolaýshylardyń bári de teplovızordan ótken.

«Atalǵan jolaýshylardyń ishinde 479 adamda PTR-test anyqtamasy boldy. Eshkim de aýrýhanaǵa jatqyzylǵan joq. Sebebi olardyń eshbirinen koronavırýs ınfektsııasy anyqtalmady», - dedi ol.


Joǵary qaraı