Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa karantın talaptaryn buzyp ónim ákelgender jazalandy

2021 jyldyń 25 qyrkúıek 2021 15:24

NUR-SULTAN. QazAqparat – Qazaqstan aýmaǵyna basqa elderden karantınge jatqyzylǵan ónim ákelýdiń 76 faktisi anyqtaldy. Bul týraly QR Aýyl sharýashylyǵy mınıstrliginen málim etti, dep habarlaıdy QazAqparat tilshisi.

«2021 jyldyń 17-24 qyrkúıegi aralyǵynda ósimdikter karantıni jónindegi memlekettik ınspektorlar karantınge jatqyzylǵan ónimdi basqa elderden Qazaqstan Respýblıkasynyń aýmaǵyna ákelý kezinde 76 zań buzýshylyqty anyqtady. Reseı Federatsııasynan 595,4 tonna bıdaı, arpa, kartop, qyzanaq, qııar, qyryqqabat, burysh, alma, banan, jańǵaqtar, keptirilgen jemister, 82,5 tekshemetr aǵash, Qyrǵyzstan Respýblıkasynan 43,1 tonna kartop, burysh, tańqýraı, qulpynaı jáne qaraqat, Ózbekstan Respýblıkasynan 17,4 tonna alma, qara órik, qyzylsha, júzim, jońyshqa tuqymdary men gúl kóshetteri, Aýǵanstannan jetkizilgen 20 tonna keptirilgen órik karantındik baqylaý júrgizý kezinde fıtosanıtarııalyq talaptarǵa saı kelmeıtindigin anyqtaldy», - dep atap ótedi mınıstrlikte.

Vedomstvo málimetinshe, osyǵan oraı ósimdikter karantıni salasyndaǵy zańnamany buzýǵa jol bergen tulǵalar QR ÁQBtK-niń 400-babymen ákimshilik jaýapkershilikke tartylyp, olarǵa jalpy somasy 4,2 mln teńge aıyppul salyndy. Negizgi zań buzýshylyqtar fıtosanıtarııalyq sertıfıkattyń bolmaýy, taýardyń tańbalanbaýy men karantınge jatqyzylǵan ónimdi qaıtadan teksertpeýge qatysty.

Sonymen qatar, jyl basynan beri QR Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń ósimdikter karantıni jónindegi ınspektorlary 4 myńǵa jýyq zań buzýshylyqty anyqtady. 308 mln teńgeden astam ákimshilik aıyppul salyndy.


Joǵary qaraı